ডিজিটেল ডেস্ক: যুদ্ধবিধ্বস্ত ছুডানত আবদ্ধ ভাৰতীয়ৰ উদ্ধাৰ অভিযান আৰম্ভ কৰিলে ভাৰত চৰকাৰে। ভাৰতে আৰম্ভ কৰিলে ‘অপাৰেচন কাবেৰী’ শীৰ্ষক উদ্ধাৰ অভিযান৷
অপাৰেচন কাবেৰীৰ অন্তৰ্গত দুখনকৈ নৌসেনাৰ বিমান উপস্থিত হৈছেগৈ ছুডানৰ জেদ্দাহত। ইতিমধ্যে, জেদ্দাহত উপস্থিত হৈছে ৫০০ৰো অধিক ভাৰতীয় লোক। লোকসকলক নৌ সেনাৰ বিমানৰ জৰিয়তে লৈ অনা হ’ব ভাৰতলৈ। সম্প্ৰতি দেশখনত আবদ্ধ হৈ আছে ২,৮০০ প্ৰবাসী ভাৰতীয়৷
ইতিপূৰ্বে, ফ্ৰান্স আৰু ছৌদি আৰৱ চৰকাৰে উদ্ধাৰ কৰিছিল বহুকেইজন ভাৰতীয়ক। হিংসাজৰ্জৰ দেশখনৰ পৰা ছৌদি আৰৱে দেওবাৰে উদ্ধাৰ কৰে ১৫৭গৰাকী লোকক। এই ১৫৭গৰাকী লোকৰ মাজত আছিলসবহুকেইগৰাকী প্ৰবাসী ভাৰতীয়। ঠিক সেইদৰে ফ্ৰান্সে উদ্ধাৰ কৰা লোকসকলৰ মাজত আছিল কেইবাজনো ভাৰতীয় লোক। ভাৰতৰ ৰাজস্থান, কৰ্ণাটক আদি ৰাজ্যৰ লোকে কৰ্ম সংস্থাপনৰ বাবে গৈছিল ছুডানলৈ।
উল্লেখ্য যে বিগত প্ৰায় এসপ্তাহজুৰি ভয়ংকৰ গৃহযুদ্ধই কঁপাইছে ছুডান। দেশখনত গৃহযুদ্ধত এই পৰ্যন্ত নিহত হৈছে ৪০০ৰো অধিক লোক। ৰক্তক্ষয়ী গৃহযুঁজত আহত হৈছে ৩ হাজাৰৰো অধিক লোক।
Continue Reading
