ছয় ফুট ওখ এক 'দানৱ’-এ অহৰহ সুৰক্ষা দিয়ে লিঅ’নেল মেছিক! কিন্তু কি এই দানৱ?

ডিজিটেল ডেস্কঃ ফুটবলাৰ লিয়নেল মেছিৰ খ্যাতি কোৱাৰ প্ৰয়োজন নাই। মেছিয়ে য’তেই যায় তাতেই তেওঁক আগুৰি থাকে অনুৰাগীৰ ভিৰ। আৰ্জেণ্টিনাৰ ফুটবলাৰগৰাকীৰ অগণন অনুৰাগীয়ে তেওঁক এবাৰ স্পৰ্শ কৰিবলৈ আগ্ৰহী। কিন্তু মেছি স্পৰ্শ কৰাটো ইমান সহজ নহয়। স্পৰ্শ কৰাৰ লগে লগে ছয় ফুট দীঘল এক বাধাৰ সন্মুখত পৰিব লগা হয়। তেওঁ আন কোনো নহয়, মেছিৰ দেহৰক্ষী ইয়াচিন চুয়েকো। শেহতীয়াকৈ ছ’চিয়েল মিডিয়া ৰেডিটত এটা ভিডিঅ’ প্ৰকাশ পোৱাৰ পিছৰে পৰা ইয়াচিনক লৈ যথেষ্ট কৌতুহলৰ সৃষ্টি হৈছে।

সেই ভিডিঅ’টোত দেখা গ’ল যে ইয়াছিনে কেনেকৈ মেছিক অনুৰাগীৰ ভিৰৰ পৰা ৰক্ষা কৰি আছে। ফুটবলাৰজনৰ কাষ চাপিব দিয়া নহয় কাকো। ইতিমধ্যে এই ভিডিঅ’টো ছ’চিয়েল মিডিয়াত বহু লোকে দেখিছে। ছচিয়েল মিডিয়া পেজত য়াচিনক লৈ বহুতে মন্তব্য কৰিছে। আনকি কিছুমানে তেওঁক ‘দানৱ’ বুলিও উল্লেখ কৰিছে।

স্প’ৰ্টছ ইলাষ্ট্ৰেটেডৰ তথ্য অনুসৰি ইয়াচিন হৈছে ইৰাক আৰু আফগানিস্তানত সেৱা আগবঢ়োৱা আমেৰিকাৰ সৈনিক। খবৰ অনুসৰি ইণ্টাৰ মিয়ামি ক্লাবৰ সভাপতি তথা প্ৰাক্তন ফুটবলাৰ ডেভিদ বেকহামৰ ব্যক্তিগত পৰামৰ্শৰ পিছত মেছিক সুৰক্ষা দিবলৈ ইয়াছিনক নিযুক্তি দিয়া হৈছিল।

মেছিৰ সৰ্বকালৰ সংগী ইয়াচিন। খেলপথাৰৰ বাহিৰত ষ্টেডিয়ামত থিয় হৈ থাকে। তেওঁৰ দৃষ্টিভংগী মেছিৰ সুৰক্ষাৰ ওপৰত। হঠাতে কোনোবা মেছিৰ ফালে আহিলেই য়াছিন দৌৰি গ’ল। মেছিৰ ওচৰ পোৱাৰ আগতেই নিজৰ অনুৰাগীক ৰখাই দিলে।

মন কৰিবলগীয়া যে ইয়াচিনৰ নিজৰ অনুৰাগীৰ সংখ্যাও কম নহয়। ইনষ্টাগ্ৰামত তেওঁৰ অনুৰাগীৰ সংখ্যা বৰ্তমান প্ৰায় আঠ লাখ।