চিগাৰেট হুপি হুপি ৪২ কিলোমিটাৰ দৌৰি ইণ্টাৰেনেটত ভাইৰেল হৈ পৰিছে ৫০ বছৰ বয়সীয়া এই লোকজন!

ডিজিটেল ডেস্কঃ চিগাৰেট হুপি হুপি আপুনি দৌৰিব পাৰেনে? এক দুই কিলোমিটাৰ নহয়, চিগাৰেট হুপি হুপি মুঠ ৪২ কিলোমিটাৰ মাৰাথন দৌৰত ভাগ ল’ব পাৰিবনে আপুনি? এই কাম কৰি দেখুৱাইছে চীনৰ এজন বয়সস্থ লোকে।

সাধাৰণতে মাৰাথন বুলি ক’লেই প্ৰথমে ফিটনেছৰ কথা মনলে আহে। মাৰাথনৰ বাবে শাৰিৰীক ক্ষমতা প্ৰখৰ হোৱাৰ প্ৰয়োজন। আনহাতে, ধুমপান স্বাস্থ্যৰ বাবে ভয়ংকৰ বুলি গণ্য কৰা হয়।

কিন্তু ইয়াৰ সম্পূৰ্ণ বিপৰীত উদাহৰ দাঙি ধৰিছে চীনৰ ‘আংকল চেন’-এ। ৫০ বছৰ বয়সীয়া আংকল চেনে ৬ নৱেম্বৰত চীনৰ শ্বিয়ানজিয়াঙত অনুষ্ঠিত এটা মাৰাথনত অংশ লৈছিল। ৪২ কিলোমিটাৰজোৰা মাৰাথনটোত পোন্ধৰশ লোকে অংশ লয়।

মাৰাথনটো আংকল চেনে ৩ ঘণ্টা ২৮ মিনিটত সম্পূৰ্ণ কৰে। পাঁচশ চয়সত্তৰত্তম স্থান লাভ কৰে তেওঁ।

কিন্তু মাৰাথন দৌৰ শেষ কৰাৰ উপৰিও বেছি আকৰ্ষণৰ কেন্দ্ৰবিন্দু হৈ পৰিছে তেওঁৰ দৌৰৰ ধৰণে। দেখিবলৈ পোৱা মতে, সমগ্ৰ পথজুৰি তেওঁ চিগাৰেট সেৱন কৰি আছিল। চীনৰ সামাজিক মাধ্যমত ইতিমধ্যে ইয়াৰ ছৱিসমূহ ভাইৰেল হৈ পৰিছে।

জানিব পৰা মতে, এয়াই প্ৰথম নহয়, ২০১৮ চনতো গুৱাংঝাউ মাৰাথান আৰু ২০১৯ চনতো শিয়ামেন মাৰাথনত ধূমপান কৰি দৌৰিছিল আংকন চেনে।