ডিজিটেল ডেস্ক
টাটা গোটৰ মালিকানাধীন এয়াৰ ইণ্ডিয়াৰ ওপৰত বহু টকাৰ জৰিমনা আৰোপ কৰিছে।একেসময়তে আমেৰিকাৰ পৰিবহণ বিভাগে আন ছয়টা এয়াৰলাইনৰ ওপৰতো জৰিমনা বিহিছে বুলি জানিব পৰা গৈছে৷ ফ্ৰণ্টিয়াৰ, টেপ পৰ্তুগাল, এৰো মেক্সিকো, ইআই এআই আৰু এভিয়ানকাও এই এয়াৰ লাইন সমূহৰ ভিতৰত আছে৷
আমেৰিকাই এয়াৰ ইণ্ডিয়াৰ ওপৰত আৰোপ কৰিছে ১২১.৫ নিযুত ডলাৰ জৰিমনা৷ একেসময়তে এয়াৰ ইণ্ডিয়াৰ যাত্ৰীসকলক ধন ঘূৰাই পোৱাত পলম হোৱাৰ বাবেও ১.৪ নিযুত ডলাৰ জৰিমনাও আৰোপ কৰা হৈছে।
আমেৰিকাৰ নীতি অনুসৰি বিমান বাতিল বা সময় সলনি কৰিলে , তেন্তে এয়াৰলাইনটোৱে আইনীভাৱে বিমানৰ টিকট ঘূৰাই দিব লাগিব৷ সেইবাবেই এতিয়া আমেৰিকাৰ পৰিবহণ বিভাগক জৰিমনা আদায় দিবলৈ একপ্ৰকাৰৰ বাধ্য হৈ পৰিছে এয়াৰ ইণ্ডিয়া৷
এক চৰকাৰী অনুসন্ধানৰ তথ্য মতে , এয়াৰ ইণ্ডিয়াই ১৯,০০০ টা ৰিফাণ্ড অভিযোগৰ প্ৰায় আধা অভিযোগ নিষ্পত্তি কৰোঁতেই ১০০ দিনতকৈ অধিক সময় লৈছিল।আনকি যাত্ৰীসকলক ধন ঘূৰাই দিয়াৰ নূন্যতম সময়ৰ তথ্য দিবলৈয়ো সক্ষম হোৱা নাই এয়াৰ ইণ্ডিয়া৷আনহাতে , বিমানত বিলম্বৰ বাবে গ্ৰাহকসকলে যথেষ্ট ক্ষতিগ্ৰস্ত হৈছে৷
Continue Reading
