চিলিত পোৱা গৈছে ১ হাজাৰতকৈ অধিক ডাইনোছৰৰ ভৰিৰ চাপ, আকাৰ দেখি বিজ্ঞানীসকলো হৈ পৰিছে আচৰিত

ডিজিটেল ডেস্ক : ডাইনোছৰ এনে এটা প্ৰাণী যাৰ বিষয়ে বৰ্তমানো অব্যাহত আছে বহু গৱেষণা। লাখ লাখ বছৰ আগতে এই বিশাল প্ৰাণীটোৰ অস্তিত্ব আছিল যদিও এতিয়া পৃথিৱীৰ বহু ঠাইত ইয়াৰ লেখ-জোখহে পোৱা যায়। উত্তৰ চিলিৰ হুয়াটাকণ্ডোৰ এখন সৰু গাঁও টাৰাপাকাৰ নামৰ ঠাইখনে বিশেষ কৃতিত্ব অৰ্জন কৰিছে। এই গাঁওখনত এতিয়া ডাইনোছৰৰ ভৰিৰ চাপ পোৱা বুলি দাবী কৰা হৈছে। নিউজৱিকত প্ৰকাশিত এক প্ৰতিবেদন অনুসৰি শেহতীয়াকৈ বিজ্ঞানীৰ এটা দলে ইয়াত ১০০০ৰো অধিক ভৰিৰ চাপ উদ্ধাৰ কৰিছে।

 প্ৰতিবেদন অনুসৰি ২৩ মে’ৰ পৰা ৩ জুনলৈকে চিলি আৰু বিদেশৰ পৰা পাঁচজন পেছাদাৰী লোক উত্তৰ চিলিৰ টাৰাপাকা অঞ্চলত উপস্থিত হয়। ইয়াত এই লোকসকলে ৩০ বৰ্গ কিলোমিটাৰত বিস্তৃত কেইবাশ ভৰিৰ চাপ উদ্ধাৰ কৰে। ইয়াৰ পাছত এই বিজ্ঞানীসকলে স্থানীয় জনগোষ্ঠীয়ে সংগ্ৰহ কৰা তথ্যকো মূল্যায়ন কৰে।

 ১. ১০দিন ধৰি গৱেষণা চলাইছিল দলটোৱে-

এই গৱেষকসকলৰ ভিতৰত আছিল চিলিৰ ৰাজধানী চেণ্টিঅ’ৰ এখন ব্যক্তিগত বিশ্ববিদ্যালয় ইউনিভাৰ্চিটি মেয়ৰৰ সৈতে জড়িত ক্রিষ্টিয়ান ছালাজাৰ৷ তেওঁ গ্ল’বেল টাইমছক কয় যে ‘মোৰ পেছাদাৰী অভিজ্ঞতাত ই সঁচাকৈয়ে অভূতপূৰ্ব আৰু অবিশ্বাস্য। ১০দিনত আমি হাজাৰতকৈ অধিক ফুটপ্ৰিণ্ট পালোঁ। আমি জানো যে ইয়াত বিশাল সম্ভাৱনা আছে আৰু ই এটা ডাঙৰ প্ৰকল্প।’

 ২. ৮০ ছিন্টিমিটাৰৰ পৰা ১ মিটাৰলৈকে চাপ আকাৰ-

এই আৱিষ্কাৰৰ ভিতৰত ১৫ কোটি বছৰ পূৰ্বে জীৱিত অবস্থাত থকা প্ৰাপ্তবয়স্ক থেৰ’পড আৰু ছ’ৰ’পড ডাইনোছৰৰ ১০০০ৰো অধিক ভৰিৰ চাপ আৱিষ্কাৰ কৰা হৈছে। দলটোৱে জনোৱা মতে, উদ্ধাৰ হোৱা ভৰিৰ চাপৰ আকাৰ ৮০ চেণ্টিমিটাৰৰ পৰা এক মিটাৰলৈকে। এই আকাৰৰ পৰা অনুমান কৰা হৈছে যে এই বিশাল প্ৰাণীটোৰ দৈৰ্ঘ্য নিশ্চয় ১২ মিটাৰ পৰ্যন্ত আছিল। এই আৱিষ্কাৰৰ সময়ত ওচৰৰ পলসুৱা শিলটোত পোক-পৰুৱা, উদ্ভিদ আৰু পোককে ধৰি আন আন সৰু জীৱ-জন্তুও আৱিষ্কাৰ হৈছে।

 ৩. অব্যাহত আছে অধিক গৱেষণা-

 এই আৱিষ্কাৰক লৈ পুৰাতত্ত্ববিদসকল অতিশয় উৎসাহিত কাৰণ ই ডাইনোছৰৰ আচৰণৰ ওপৰত অধিক পোহৰ পেলাব। জীৱাশ্মসমূহে সেই ডাইনোছৰসমূহ বাস কৰা সময় আৰু স্থানৰ পৰিৱেশ আৰু উষ্ণতাৰ বিষয়েও গৱেষণা অব্যাহত আছে। জীৱাশ্ম নিৰ্মাণৰ বাবে ভৰিৰ চাপ অতি গুৰুত্বপূৰ্ণ বুলি গণ্য কৰা হয়। বিজ্ঞানীসকলে কৰা গৱেষণাত আৰু অধিক তথ্য প্ৰকাশ পোৱাৰ আশা ব্যক্ত কৰিছে।