ডিজিটেল ডেস্কঃ পাকিস্তানৰ ফেডাৰেল ইনভেষ্টিগেচন এজেঞ্চীয়ে (এফআইএ) নিউজ এংকৰ ইমৰান ৰিয়াজ খানক 'ঘৃণামূলক ভাষণ' ৰ বাবে গ্ৰেপ্তাৰ কৰিছে। নিউজ এংকৰগৰাকীয়ে পাকিস্তানৰ শ্বাহবাজ শ্বৰীফ নেতৃত্বাধীন চৰকাৰক সমালোচনা কৰি আহিছিল৷
ইমৰান ৰিয়াজ খানক লাহোৰত "সাধাৰণ জনতা আৰু সামাজিক প্ৰতিষ্ঠানসমূহৰ মাজত বিভেদ" সৃষ্টি কৰাৰ লক্ষ্যৰে "হিংসা বৃদ্ধি কৰিব পৰা বিবৃতি" দিয়াৰ বাবে গ্ৰেপ্তাৰ কৰা হয়৷ । ডনৰ বাতৰি অনুসৰি ইমৰান ৰিয়াজ খানৰ অধিবক্তাই কৈছে যে নিউজ এংকৰজনক এফআইএৰ চাইবাৰ ক্ৰাইম শাখাই আল্লামা ইকবাল আন্তঃৰাষ্ট্ৰীয় বিমানবন্দৰৰ পৰা নিজৰ জিম্মাত লৈছে৷
সাংবাদিক জনৰ এটা ভাষণ ৰাষ্ট্ৰীয় আৰু আন্তঃৰাষ্ট্ৰীয় পৰ্যায়ত সামাজিক মাধ্যমৰ মঞ্চত ভাইৰেল হৈছিল। অৱশ্যে, লাহোৰ উচ্চ ন্যায়ালয়ে ইমৰান ৰিয়াজ খানক জামিন প্ৰদান কৰে। এজাহাৰখনত এইটোও কোৱা হৈছে যে ইমৰান ৰিয়াজ খানে তেওঁৰ ভাষণত সেনাক অভিযুক্ত কৰিছে আৰু কৈছে যে তেওঁলোকে পাকিস্তানৰ সততা বিপদত পেলাইছে ।উল্লেখ্য যোৱা বছৰো ইমৰান ৰিয়াজ খানক দেশদ্ৰোহৰ গোচৰত গ্ৰেপ্তাৰ কৰা হৈছিল।
Continue Reading
