ডিজিটেল ডেস্কঃ বিয়াৰ প্ৰস্তুতি পূৰ্ণ গতিত চলিছিল। এগৰাকী কইনাই বিয়াৰ দিনা কইনাৰ সাজ পিন্ধিবলৈ বিউটি পাৰ্লাৰলৈ গৈছিল। কিন্তু তেনেতে বিউটি পাৰ্লাৰত উপস্থিত হয় এজন আৰক্ষীৰ লোক। আৰক্ষীৰ লোকজনে কোনো কথাৰ অৱতাৰণা নকৰাকৈয়ে কইনাৰ দেহলৈ লক্ষ্য কৰি গুলীবৰ্ষণ কৰিবলৈ ধৰে। ফলত কইনাৰ সাজ পিন্ধা অৱস্থাতে ঢলি পৰে যুৱতীগৰাকী।
কইনালৈ গুলীচালনা কৰাৰ পিছত আৰক্ষীৰ লোক জনে আত্মহত্যা কৰিবলৈ চেষ্টা কৰে। কিন্তু তেওঁ বাচি যায়। ইপিনে গুৰুতৰ ভাবে আহত কইনাগৰাকীক স্থানীয় এখন চিকিৎসালয়লৈ লৈ যোৱা হয় । তাত তেওঁক চিকিৎসাধীন কৰোৱা হয়। বিহাৰৰ মুংগেৰত সংঘটিত ঘটনাটোৱে সমগ্ৰ এলেকাটোকে জোকাৰি গৈছে। জানিব পৰা মতে ২৬ বছৰীয়া অপূৰ্ব কুমাৰীৰ বিয়া আছিল দেওবাৰে ।
তেওঁ পুৱা কইনাৰ সাজ পিন্ধিবলৈ এখন বিউটি পাৰ্লাৰলৈ গৈছিল। পাৰ্লাৰৰ কৰ্মচাৰীসকলে জনোৱা অনুসৰি অভিযুক্ত আৰক্ষী অমন কুমাৰে ছোৱালীজনী সেই ঠাইলৈ যোৱাৰ পিছতে তাত উপস্থিত হয় । বৰ্তমান পাটনাত কৰ্মৰত অমন কুমাৰে বিউতিপাৰ্লাৰত প্ৰৱেশ কৰিয়েই কইনালৈ গুলী চলায়।
অমন কুমাৰে চলোৱা গুলী কইনাৰ কান্ধত লাগি বুকুৰ সোঁপিনেৰে ওলাই গৈছে। কি কাৰণত অমন কুমাৰে কইনাক গুলীয়ালে সেয়া এতিয়াও জানিব পৰা হোৱা নাই। বহুতে সন্দেহ কৰা অনুসৰি প্ৰেমজনিত কোনো কাৰণৰ বাবেই অমনে কইনাগৰাকীক গুলীয়াব পাৰে।
Continue Reading
