ডিজিটেল ডেস্কঃ চলিত বৰ্ষতে ৬৫০০জন ভাৰতীয় কোটিপতিয়ে দেশ এৰি যোৱাৰ আশংকাই দেখা দিছে। হেনলি প্ৰাইভেট ৱেলথ মাইগ্ৰেচন ৰিপ’ৰ্ট-২০২৩ত এই দাবী কৰা হৈছে। উক্ত প্ৰতিবেদনত কোৱা হৈছে যে এইক্ষেত্ৰত আগশাৰীত আছে চীনৰ কোটিপতিসকল। ভাৰতীয়সকল দ্বিতীয় স্থানত আছে।
অৱশ্যে প্ৰতিবেদনত দ্বিতীয় স্থান লাভ কৰাৰ থকাৰ পিছতো যোৱা বছৰৰ তুলনাত ভাৰতৰ স্থিতি উন্নত হোৱাৰ সম্ভাৱনা আছে। যোৱা বছৰ ৭৫০০ জন ভাৰতৰ কোটিপতিয়ে দেশ এৰিছিল।
গৱেষণাৰ মুৰব্বী এণ্ড্ৰু এমোইলছে আঙুলিয়াই দিয়ে যে, "এই বহিঃপ্ৰবাহ বিশেষভাৱে চিন্তনীয় নহয় কাৰণ ভাৰতে বহু বেছি নতুন কোটিপতি উৎপাদন কৰে।"
উল্লেখ্য যে হেনলি ৰিপৰ্টে বিশ্বজুৰি সম্পদ আৰু বিনিয়োগৰ প্ৰব্ৰজনৰ ধাৰা গৱেষণা কৰে। প্ৰতিবেদনখনত কোৱা হৈছে ডুবাই আৰু ছিংগাপুৰ ধনী ভাৰতীয় পৰিয়ালৰ বাবে পছন্দৰ গন্তব্যস্থান।
Continue Reading
