ডিজিটেল ডেস্কঃ ধুবুৰী জিলাৰ ফকিৰগঞ্জ আৰক্ষী চকীৰ অন্তৰ্গত বিৰসিং গাওঁ পঞ্চায়তৰ বাসিন্দা বাহাৰ আলীৰ পুত্ৰ জয়নাল আবেদিন নামৰ যুৱক জনৰ চলন্ত ট্ৰেইনৰ পৰা পৰি মৃত্যু হৈছে।
জানিব পৰা মতে ঘটনা যোৱা নিশাৰ ভাগৰ৷ কিছুদিন পূৰ্বে কৰ্ম সূত্ৰে গুৱাহাটীত কাম কৰিবলৈ গৈছিল৷ গুৱাহাটীৰ পৰা ঘৰত ঈদ পালন কৰিবলৈ আহোতে যোৱা কালি ৰাতি ট্ৰেইনৰ দৰ্জাৰ সন্মূখত ৰিলচ্ ভিডিঅ' বনাওতে ঘটে উক্ত অঘটন।
জয়নাল আবেদিন নামৰ যুৱক জনৰ লগৰীয়াই ম'বাইলত আবদ্ধ কৰা অৱস্থাত কেমেৰাৰ সন্মুখতে জয়নাল আবেদিন বাগৰি পৰে৷ পিছত লগৰীয়াই পৰবৰ্তী স্টেচনত নামি যুৱক জনক ততালিকে চিকিৎসালয়ত লৈ যায় যদিও চিকিৎসকে মৃত বুলি ঘোষণা কৰে৷ মৰণোত্তৰ পৰীক্ষা কৰি মৃতদেহটো আজি সন্ধিয়া ৬:৩০ বজাত ঘৰত আনে৷ লগৰীয়াজন এতিয়াও অসুস্থ বুলি জানিব পৰা গৈছে।
Continue Reading
