চৰম পৰ্যায়ত এখন দেশৰ আৰ্থিক দীনতা: অষ্ট্ৰেলিয়াৰ খেলুৱৈক আপ্যায়ন কৰিলে দাইল আৰু ৰুটিৰে

ডিজিটেল ডেস্ক: এখন দেশৰ আৰ্থিক দীনতাই চৰম পৰ্যায় পাইছেগৈ৷ ধৰ্মীয় মতান্ধতা, অন্ধবিশ্বাস, সন্ত্ৰাসবাদী সমস্যাৰে জৰ্জৰিত দেশখনক এতিয়া কোঙা কৰি পেলাইছে আৰ্থিক দীনতাই৷ পৰিস্থিতি এনে পৰ্যায় পাইছেগৈ যে এতিয়া ভ্ৰমণকাৰী এটা ক্ৰিকেট দলক আপ্যায়ন কৰিবলগীয়া হৈছে মাথোঁ ৰুটি আৰু দাইলেৰে৷ ঘটনাটো পাকিস্তানৰ৷ পাকিস্তানে অষ্ট্ৰেলিয়াৰ ক্ৰিকেট দলক কৰা আপ্যায়ন বিশ্বজুৰি হৈ পৰিছে সৰব চৰ্চাৰ বিষয়৷ অষ্ট্ৰেলিয়াৰ ক্ৰিকেট দলক পাকিস্তানে খুৱালে দাইল আৰু ৰুটি৷ পাকিস্তানৰ ৰুটি-দাইলে এতিয়া ছ’চিয়েল মিডিয়াত ৰগৰ সৃষ্টি কৰিছে৷ পাকিস্তানৰ কৰাচীত চলি থকা টেষ্ট শৃংখলাত ভ্ৰমণকাৰী দলটোক পাকিস্তানে দাইল-ৰুটিৰে আপ্যায়ন কৰি আছে৷ এই কথা পোহৰলৈ আহিছিল যেতিয়া অষ্ট্ৰেলিয়াৰ বেটছমেন মাৰ্নাছ লাবুচাগেনে তেওঁৰ অফিচিয়েল টুইটাৰ হেণ্ডেলত মধ্যাহ্নভোজনৰ এখন ফটো শ্বেয়াৰ কৰিছিল। অষ্ট্ৰেলিয়াৰ দলটো বৰ্তমান পাকিস্তান ভ্ৰমণত আছে। য’ত তিনিখন মেচৰ টেষ্ট আৰু একে সংখ্যক মেচৰ এদিনীয়া শৃংখলা খেলিব লাগিব। প্ৰথম টেষ্টখন ৰাৱাপিণ্ডিত অমীমাংসিতভাৱে সমাপ্ত হৈছিল। ইয়াত পাকিস্তানক হোষ্টিং কৰাৰ বাবে সামাজিক মাধ্যমত ট্ৰ’ল কৰা হৈছে। ২৪ বছৰৰ দীঘলীয়া ব্যৱধানৰ পাছত অষ্ট্ৰেলিয়াৰ দলটো পাকিস্তান ভ্ৰমণত আছে। কিন্তু, পাকিস্তানে কেংগাৰুৰ আয়োজন ৰক্ষা কৰিবলৈ সক্ষম নহ’ল। যাৰ বাবে এতিয়া পাকিস্তানক তীব্ৰ সমালোচনা কৰা হৈছে। অষ্ট্ৰেলিয়াৰ খেলুৱৈ মাৰ্নাছ লাবুচাগেনে মধ্যাহ্নভোজনৰ ফটো শ্বেয়াৰ কৰাৰ লগে লগে পাকিস্তানৰ সমালোচনা আৰম্ভ হয় ছ’চিয়েল মিডিয়াত৷ প্ৰথম টেষ্টত পাকিস্তানে ৪৭৬ ৰাণেৰে প্ৰথম ইনিংছ সমাপ্ত কৰিছিল৷ প্ৰত্যুত্তৰত অষ্ট্ৰেলিয়াই প্ৰথম ইনিংছত ৪৫৯ ৰাণত অল আউট হয়। দ্বিতীয় ইনিংছত পাকিস্তানে কোনো উইকেট অবিহনে ২৫২ৰাণ সংগ্ৰহ কৰে। দ্বিতীয় ইনিংছত অষ্ট্ৰেলিয়াই পাকিস্তানৰ এটাও উইকেট ল’ব নোৱাৰিলে।