ডিজিটেল ডেস্কঃ পঞ্জাৱৰ চণ্ডীগড়ৰ মোহালি বিশ্ববিদ্যালয়ৰ ৬০ গৰাকীকৈ ছাত্ৰীৰ স্নানৰ ভিডিঅ’ ভাইৰেল হৈ পৰাৰ ঘটনাক কেন্দ্ৰ কৰি সমগ্ৰ দেশতে উত্তেজনা অব্যাত আছে। এনে সময়তে অনুৰূপ ঘটনা এটা ঘটিছে আইআইটি বোম্বাইত।
শৈক্ষিক প্ৰতিষ্ঠান খনৰ বাথৰুমৰ ভিডিঅ’ প্ৰস্তুত কৰাৰ অভিযোগতআৰক্ষীয়ে এজন লোকক গ্ৰেপ্তাৰ কৰিছে। লোক জন প্ৰতিষ্ঠান খনৰ কেণ্টিনৰ কৰ্মী বুলি জানিব পৰা গৈছে।এগৰাকী আৰক্ষী বিষয়াই কয় যে মোবাইল ফোনৰ তথ্যৰ পৰা পৰা আইআইটি বোম্বাইৰ বাথৰুমৰ দৃশ্য সন্দৰ্ভত গ্ৰেপ্তাৰ কৰা হৈছে।
ঘটনাটো দেওবাৰে নিশা সংঘটিত হৈছিল যদিও পলমকৈহে ঘটনাটো পোহৰলৈ আহে। অভিযোগ অনুসৰি এগৰাকী ছাত্ৰীয়ে আইআইটি বোম্বাইৰ বাথৰুমত থকাৰ সময়ত অভিযুক্ত ব্যক্তিজনে খিৰিকীৰে তেওঁৰ ভিডিঅ' কৰি আছিল ।
আইআইটি বোম্বাইৰ নিৰাপত্তা কৰ্মীয়ে অভিযুক্তজনক ধৰিবলৈ সক্ষম হয়। তেওঁক লগে লগে আৰক্ষীৰ হাতত গতাই দিয়া হয়।গ্ৰেপ্তাৰ কৰা ব্যক্তিজনক পিন্টু বুলি চিনাক্ত কৰা হৈছে। ঘটনাটোৱে এতিয়া তীব্ৰ প্ৰতিক্ৰিয়াৰ সৃষ্টি কৰিছে।
Continue Reading
