ডিজিটেল ডেস্কঃহয়তো এইবাৰ গান্ধী পৰিয়ালৰ পৰা মুক্ত হৈ পৰিব কংগ্ৰেছ। দীৰ্ঘদিন ধৰি গান্ধী পৰিয়ালে চলাই অহা দলটোৰ নেতৃত্ব এইবাৰ হয়তো গান্ধী পৰিয়ালৰ বাহিৰৰ কোনো লোকৰ হাতত অৰ্পন কৰা হ’ব পাৰে। কংগ্ৰেছৰ সভাপতি পদৰ বাবে ৰাহুল গান্ধীয়ে প্ৰতিদ্বন্দ্বিতা নকৰাটো প্ৰায় স্পষ্ট হৈ পৰিছে।
কংগ্ৰেছ এটা সূত্ৰই প্ৰকাশ কৰা মতে ৰাহুল গান্ধীয়ে কংগ্ৰেছৰ সভাপতি পদ গ্ৰহণ কৰিবলৈ অনিচ্ছুক।কংগ্ৰেছৰ সাংসদ ৰাহুল গান্ধীয়ে দলটোৰ সভাপতি নিৰ্বাচনত প্ৰতিদ্বন্দিতা কৰাৰ সম্ভাৱনা নাই, কংগ্ৰেছৰ এটা সূত্ৰই এই কথা জনাইছে। কংগ্ৰেছৰ সূত্ৰই জনোৱা মতে ৰাহুল গান্ধীয়ে দলৰ ভাৰত জোড়ো যাত্ৰা এৰি দিল্লীলৈ উভতি নাযায়। বৰ্তমান এই যাত্ৰা কেৰালাত আছে আৰু ২৯ ছেপ্টেম্বৰত কৰ্ণাটকত প্ৰৱেশ কৰিব।কংগ্ৰেছৰ সভাপতি পদৰ বাবে মনোনয়ন দাখিলৰ অন্তিম তাৰিখ হৈছে ৩০ ছেপ্টেম্বৰ।
শশী থাৰুৰে "আভ্যন্তৰীণ গণতন্ত্ৰ" শক্তিশালী কৰিবলৈ ১৭ অক্টোবৰত অনুষ্ঠিত হ'বলগীয়া নিৰ্বাচনত প্ৰতিদ্বন্দিতা কৰাৰ ইচ্ছা প্ৰকাশ কৰিছে। ইয়াৰ প্ৰত্যুত্তৰত ছোনিয়া গান্ধীয়ে তিৰুৱন্তপুৰমৰ সাংসদগৰাকীক সন্মতি প্ৰদান কৰি কয় যে যিকোনো লোকে নিৰ্বাচনত প্ৰতিদ্বন্দিতা কৰিব পাৰে।
গান্ধী পৰিয়ালৰ ঘনিষ্ঠ বুলি গণ্য কৰা অশোক গেহলট আৰু শশী থাৰুৰেও কংগ্ৰেছৰ অন্তৱৰ্তীকালীন সভাপতি ছোনিয়া গান্ধীৰ বাবে সন্মতি লাভ কৰিছে। এনে ক্ষেত্ৰত শশী থাৰুৰ সভাপতি হোৱাৰ সম্ভাৱনাই বেছি বুলি বহুতে আলোচনা কৰিছে।
Continue Reading
