কলম্বিয়াত ভয়ংকৰ বিমান দুৰ্ঘটনা; সাংসদকে ধৰি ১৫ জন লোকৰ কৰুণ মৃত্যু

ডিজিটেল ডেস্ক: কলম্বিয়াত সংঘটিত হৈছে এক বৃহৎ বিমান দুৰ্ঘটনা। যাত্ৰীবাহী বিমানখন দুৰ্ঘটনাগ্ৰস্ত হোৱাৰ ফলত বিমানখনত থকা ১৫ জন লোকৰ মৃত্যু হৈছে বুলি দেশৰ ৰাষ্ট্ৰীয় বিমান সংস্থা 'ছাটেনাই' নিশ্চিত কৰিছে। বুধবাৰে ভেনিজুৱেলাৰ সীমান্তৰ সমীপৰ পাহাৰীয়া অঞ্চলত সংঘটিত হোৱা এই বিমান দুৰ্ঘটনাত কলম্বিয়াৰ এজন সাংসদকে ধৰি ১৫ জন লোকে প্ৰাণ হেৰুৱালে। এই দুৰ্ঘটনাত নিহত হয় সকলো যাত্ৰী আৰু ক্ৰু মেম্বাৰ।

এক বিবৃতিত, বিমান সংস্থাটোৱে কয় যে তেওঁলোকৰ বিমান - 'বিচক্ৰাফ্ট ১৯০০' - "এক শোকাৱহ দুৰ্ঘটনাৰ সন্মুখীন হৈছে", কিন্তু এই বিষয়ে অধিক বিৱৰণ দিয়া নাই। বিমানৰ ধ্বংসাৱশেষ এতিয়া এক পাহাৰীয়া অঞ্চলত পোৱা গৈছে।

চৰকাৰী যাত্ৰীৰ তালিকাত সাংসদ ডাইওজিনিছ কুইণ্টেৰো আমায়া আৰু আগন্তুক কংগ্ৰেছ নিৰ্বাচনৰ প্ৰাৰ্থী কাৰ্লোছ চালচেডোৰ নাম আছে।

'ছাটেনা'ই কয় যে, বুধবাৰে স্থানীয় সময় ১২:০৫ বজাত ভেনিজুৱেলাৰ সীমাৰ ওচৰৰ ওকানা চহৰত অৱতৰণ কৰাৰ ১১ মিনিট আগতে বিমানখনৰ সৈতে যোগাযোগ বিচিন্ন হৈছিল।

পৰ্বতীয়া অঞ্চলটোত এক অনুসন্ধান অভিযান আৰম্ভ কৰা হৈছে, আৰু বিমানখনত থকাসকলৰ আত্মীয়ৰ বাবে এটা হটলাইন স্থাপন কৰা হৈছে।

দেশৰ ৰাষ্ট্ৰপতি গুস্তাভো পেট্ৰোৱে এক্সত ভুক্তভোগীসকলৰ পৰিয়াললৈ সমবেদনা জ্ঞাপন কৰি লিখিছিল ‘‘মই এই মৃত্যুৰ বাবে গভীৰভাৱে দুঃখিত।’’

সাংসদ ডাইওজিনিছ কুইণ্টেৰো আমায়াৰ উদ্ধৃতি দি তেওঁ লিখিছে, ‘‘তেওঁ এনে এজন মানুহ যিয়ে গোটেই জীৱনজুৰি আৰ্ত জনতাৰ সেৱা কৰিছিল।’’

উল্লেখ্য যে কুইণ্টেৰোৱে কলম্বিয়াৰ সংসদত ১৬খন আসনৰ ভিতৰত এখন আসন দখল কৰিছিল, যিয়ে মাৰ্ক্সবাদী বিদ্ৰোহী সেনা, কলম্বিয়াৰ বিপ্লৱী সশস্ত্ৰ বাহিনী (ফাৰ্ক) আৰু কলম্বিয়া ৰাষ্ট্ৰৰ মাজৰ সংঘাতৰ ভুক্তভোগীসকলক প্ৰতিনিধিত্ব কৰিছিল।