কংগ্ৰেছত প্ৰাৰ্থিত্ব প্ৰত্যাশীৰ ভিৰ, আবেদন দাখিলৰ সময়সীমা ২৮ জানুৱাৰীলৈ বৃদ্ধি

ডিজিটেল ডেস্ক: প্ৰাৰ্থিত্ব প্ৰত্যাশীৰ ভিৰ আৰু দাবীৰ প্ৰতি লক্ষ্য ৰাখি অসম প্ৰদেশ কংগ্ৰেছ কমিটিয়ে প্ৰাৰ্থিত্ব বিচাৰি আবেদন দাখিল কৰাৰ সময়সীমা ২৮ জানুৱাৰীলৈ বৃদ্ধি কৰিছে। 

অসম প্ৰদেশ কংগ্ৰেছ কমিটিৰ সভাপতি গৌৰৱ গগৈয়ে আজি আনুষ্ঠানিকভাৱে এই কথা প্ৰকাশ কৰি আবেদনকাৰীসকলক শুভেচ্ছা জ্ঞাপন কৰে। 

মঙলবাৰে নিশা ৭ বজালৈকে ডেৰ শতাধিক প্ৰাৰ্থীয়ে আবেদন দাখিল কৰিছে। অসম প্ৰদেশ কংগ্ৰেছ কমিটিৰ কোষাধ্যক্ষ ডাঃ হেমহৰি পেগুৱে জনোৱা মতে প্ৰথম দিনটোৰ পৰা এতিয়ালৈকে প্ৰায় ৭৫০ গৰাকী প্ৰাৰ্থিত্ব প্ৰত্যাশীয়ে আবেদন দাখিল কৰিছে। 

আজি বিধায়ক ৰেকিবুদ্দিন আহমেদ, দিগন্ত বৰ্মন, সামাজিক মাধ্যম বিভাগৰ সম-অধ্যক্ষ প্ৰতীক বৰদলৈ, মুখপাত্ৰ ৰূপা কলিতা, গৌতম ভট্টাচাৰ্যকে ধৰি কেবাগৰাকী জ্যেষ্ঠ নেতাই আবেদন দাখিল কৰে।