ডিজিটেল ডেস্কঃ ছাত্ৰ-ছাত্ৰীৰ শাৰীৰিক আৰু মানসিক স্বাস্থ্যৰ প্ৰতি লক্ষ্য ৰাখি এতিয়াৰে পৰা চৌদি আৰৱৰ বিশ্ববিদ্যালয়সমূহত যোগাসনৰ পাঠদান কৰা হ’ব। ছৌদি যোগ কমিটীৰ সভাপতি নৌফ আল-মাৰৱাইয়ে কয় যে আগন্তুক কেইমাহমানৰ ভিতৰত দেশৰ সকলো ডাঙৰ বিশ্ববিদ্যালয়ৰ সৈতে যোগাভ্যাসৰ প্ৰসাৰ আৰু সম্প্ৰসাৰণৰ বাবে বিভিন্ন চুক্তি স্বাক্ষৰিত হ’ব।
নিয়মীয়াকৈ যোগাভ্যাস কৰিলে শৰীৰ আৰু মনৰ ওপৰত প্ৰভাৱ পৰাৰ কথা নতুনকৈ নক’লেও হয়। মাৰৱাইয়ে কয় যে কেৱল যোগাসন নহয়, আমি ২০৩০ চনৰ ভিতৰত স্কুল-কলেজীয়া ছাত্ৰ-ছাত্ৰীৰ অংশগ্ৰহণ বৃদ্ধি কৰাৰ লক্ষ্য ৰাখিছো - স্থানীয়, ঘৰুৱা আৰু আন্তঃৰাষ্ট্ৰীয়।
বহুতে যোগাসনক কেৱল ধ্যান বুলি ভাবে। তেওঁ কয়, "আচলতে শাৰীৰিক ব্যায়ামৰ লগত গোটেই শৰীৰৰ পেশীৰ পৰিসঞ্চালন, উশাহ-নিশাহৰ ছন্দ, শৰীৰৰ বিভিন্ন ভংগীমা আদি জড়িত হৈ থাকে। তাৰ পিছত ধ্যান আৰু যোগ নিদ্ৰা।” তেওঁ কয় যে যোগাভ্যাসৰ জৰিয়তে শৰীৰ আৰু মনৰ স্বাভাৱিক ছন্দ ঘূৰাই অনাৰ উপৰিও এই সমিতিয়ে ছাত্ৰ-ছাত্ৰীৰ মাজত থকা সুপ্ত প্ৰতিভাকো অন্বেষণ কৰিব।
