ডিজিটেল ডেস্ক: পুনৰ আন্তৰাষ্ট্ৰীয় বিমানত সংঘটিত হৈছে এক প্ৰস্ৰাৱজনিত ঘটনা৷ প্ৰাপ্ত খবৰ অনুসৰি নিউয়ৰ্ক-নতুন দিল্লী আমেৰিকান এয়াৰলাইনছৰ এখন বিমানৰ এজন যাত্ৰীয়ে সুৰাপান কৰি থকা অৱস্থাত বিমানখনত থকা এজন সহঃপুৰুষ যাত্ৰীৰ ওপৰত প্ৰস্ৰাৱ কৰাৰ অভিযোগ উত্থাপিত হৈছে৷
অভিযোগ অনুসৰি ঘটনাটো শুকুৰবাৰে নিশা ৯:১৬ বজাত নিউয়ৰ্কৰ পৰা উৰা মাৰিছিল আৰু শনিবাৰে নিশা ১০:১২ বজাত দিল্লীৰ ইন্দিৰা গান্ধী আন্তঃৰাষ্ট্ৰীয় বিমানবন্দৰত ১৪ ঘণ্টা ২৬ মিনিট উৰাৰ পিছত অৱতৰণ কৰিছিল। এই সময়ছোৱাৰ মাজতেই চকু কপালত তোলা এক ঘটনা উক্ত বিমানখনত সংঘটিত হৈছে কৰ্তৃপক্ষই সংবাদমাধ্যমক জানিবলৈ দিয়া তথ্য অনুসৰি অভিযুক্তজন আমেৰিকা যুক্তৰাষ্ট্ৰৰ এখন বিশ্ববিদ্যালয়ৰ ছাত্ৰ।
তেওঁ বিমান উৰণৰ পাছত নিচাগ্ৰস্ত অৱস্থাত আছিল আৰু যাত্ৰীজন শুই থাকোতে কাষৰ যাত্ৰীজনৰ শৰীৰত মূত্ৰত্যাগৰ ঘটনাটো সংঘটিত হয়৷ সহযাত্ৰীজনে বিষয়টো আৰক্ষীক বিষয়টো জনোৱাৰ বাবে আগ্ৰহী নাছিল কিয়নো ই তেওঁৰ শৈক্ষিক জীৱন বিপদত পেলাব পাৰে। অৱশ্যে, আমেৰিকান এয়াৰলাইনে এই বিষয়টোক গুৰুত্বসহকাৰে লয় আৰু ইন্দিৰা গান্ধী বিমানবন্দৰৰ এয়াৰ ট্ৰেফিক কণ্ট্ৰোল (এটিচি)ক এই বিষয়ে অৱগত কৰোৱায়।
বিমানত থকা ঘটনাটোৰ বিষয়ে কৰ্মচাৰীসকলে জানিব পৰাৰ পাছত তেওঁলোকে বিষয়টো এটিচিক এই বিষয়ে জনোৱা বিমানখনৰ পাইলটজনক অৱগত কৰে৷ লগতে পাইলটজনে অভিযুক্ত যাত্ৰীজনক দিল্লী আৰক্ষীক গতাই দিয়া চিআইএছএফ কৰ্মীসকলক এই বিষয়ে অধিক সতৰ্ক কৰে। স্মতৰ্ব্য যে অসামৰিক বিমান পৰিবহন নিয়ম অনুসৰি এনে যাত্ৰীৰ ওপৰত অপৰাধমূলক আইনৰ অধীনত ব্যৱস্থা গ্ৰহণৰ উপৰিও উচ্ছৃংখল আচৰণৰ বাবে দোষী সাব্যস্ত কৰা হয় আৰু তেওঁৰ অপৰাধৰ স্তৰৰ ওপৰত নিৰ্ভৰ কৰি তেওঁক এক নিৰ্দিষ্ট সময়ৰ বাবে উৰা মাৰিবলৈ নিষিদ্ধ কৰা হ’ব বুলি কৰ্তৃপক্ষই সংবাদমাধ্যমক জানিবলৈ দিয়ে।
Continue Reading
