চুৰাটৰ আদালতে ৰেহাই নিদিলে; এতিয়া ৰাহুল গান্ধীয়ে কৰিব কি?

তেওঁক দোষী সাব্যস্ত আৰু শাস্তি দিয়াৰ পাছত নিম্ন আদালতে ৰাহুল গান্ধীক জামিন প্ৰদান কৰিছিল আৰু উচ্চতৰ আদালতত আপীল কৰিবলৈ অনুমতি দিয়াৰ বাবে তেওঁৰ কাৰাদণ্ড স্থগিত কৰিছিল। সেই আপীলটো আজি চুৰাট সত্ৰ আদালতৰ দ্বাৰা নাকচ কৰা হৈছে। 

২০১৯ চনৰ এপ্ৰিলত ৰাহুল গান্ধীয়ে কৰ্ণাটকৰ কোল্লাৰত এক ৰেলীত ভাষণ দি আকৰ্ষণীয়ভাৱে কৈছিল, কেনেকৈ সকলো চোৰে মোদীক উমৈহতীয়া উপাধি হিচাপে লৈ আহে। তেওঁ নীৰৱ মোদী, ললিত মোদী আৰু নৰেন্দ্ৰ মোদীৰ কথা উল্লেখ কৰিছিল। তেওঁৰ মন্তব্যই এক বিতৰ্কৰ সৃষ্টি কৰিছিল৷ 

পাছত গুজৰাটৰ বিজেপি বিধায়ক পূৰ্ণেশ মোডীয়ে ৰাহুলক মোদী উপাধি থকা লোকসকলক বদনাম কৰাৰ অভিযোগ দাখিল কৰিছিল। আৰু সেই অভিযোগৰ ভিত্তিত বিগত ২৩ মাৰ্চত কংগ্ৰেছ নেতাজনক ভাৰতীয় দণ্ডবিধিৰ (আইপিচি) ধাৰা ৫০৪ (শান্তি ভংগৰ উদ্দেশ্যৰে ইচ্ছাকৃত অপমান)ৰ অধীনত আদালতে দোষী সাব্যস্ত কৰিছিল ৰাহুল গান্ধীক। 

তেওঁক দুবছৰৰ কাৰাদণ্ড দিয়া হৈছিল। পৰৱৰ্তী সময়ত তেওঁক এক আইনী ব্যৱস্থাৰ অধীনত লোকসভাৰ সাংসদ হিচাপে অযোগ্য ঘোষণা কৰা হয় যিসকলক দোষী সাব্যস্ত কৰা হৈছে আৰু দুবছৰ বা ততোধিক কাৰাদণ্ড দিয়া হৈছে। ৰাহুল গান্ধীয়ে উচ্চতৰ আদালতত আপীল দাখিল কৰিছিল আৰু দোষী সাব্যস্ত হোৱাৰ ওপৰত স্থগিতাদেশ বিচাৰিছিল। ২০ এপ্ৰিলত চুৰাট সত্ৰ আদালতে তেওঁৰ আবেদন খাৰিজ কৰে।

ইয়াৰ পূৰ্বে আদালতে তেওঁক উচ্চতৰ আদালতত আপীল কৰিবলৈ ৩০ দিন সময় দিছিল আৰু শাস্তি স্থগিত ৰাখিছিল। তেওঁৰ অধিবক্তাৰ দল চুৰাটৰ সত্ৰ আদালতলৈ গৈছিল। তেওঁলোকে কৈছিল যে যদি বিচাৰ আদালতৰ ২৩ মাৰ্চৰ ৰায় স্থগিত কৰা নহয়, ই ৰাহুল গান্ধীৰ সুনামৰ অপূৰণীয় ক্ষতি কৰিব। আৰু এতিয়া, ৰাহুল গান্ধীয়ে সত্ৰ আদালতৰ ৰায়ৰ বিৰুদ্ধে আপীল কৰিবলৈ গুজৰাট উচ্চ ন্যায়ালয়ৰ দ্বাৰস্থ হ’ব৷ কংগ্ৰেছৰ সাধাৰণ সম্পাদক জয়ৰাম ৰমেশে আজিৰ ৰায়ৰ পাছত এক টুইটযোগে কয় যে দলটোৱে এতিয়াও আইনৰ অধীনত তেওঁলোকৰ বাবে উপলব্ধ সকলো বিকল্প লাভ কৰি থাকিব। যেতিয়ালৈকে গোচৰটো গুজৰাট উচ্চ ন্যায়ালয়লৈ নাযায় আৰু ই গোচৰটো সম্পৰ্কত ৰায় প্ৰদান নকৰে তেতিয়ালৈকে ৰাহুল গান্ধী লোকসভাৰ পৰা নিলম্বিত হৈ থাকিব।

এই মুহূৰ্তত ৰাহুল গান্ধীয়ে পৰৱৰ্তী আঠ বছৰৰ বাবে নিৰ্বাচনত প্ৰতিদ্বন্দ্বিতা কৰাৰ অধিকাৰ হেৰুৱাইছে (তেওঁৰ কাৰাদণ্ডৰ দুবছৰ আৰু জনপ্ৰতিনিধিত্ব আইন, ১৯৫১ৰ অধীনত আৰু ছয় বছৰ)৷ যাৰ ভিতৰত আছে অহা বছৰৰ লোকসভা নিৰ্বাচন। ৰাহুল গান্ধীয়ে আদালতৰ পৰা সকাহ নোপোৱালৈকে তেওঁ যুঁজিব পৰা পৰৱৰ্তী সাধাৰণ নিৰ্বাচন হৈছে ২০৩৪চনৰ নিৰ্বাচন৷ যদিহে এতিয়া আৰু তেতিয়াৰ মাজত মধ্যম্যাদী নিৰ্বাচন অনুষ্ঠিত নহয়।

৫২ বছৰীয়া ৰাজনীতিবিদগৰাকী ২০১৯ চনত কেৰালাৰ ৱায়ানাডৰ পৰা লোকসভালৈ নিৰ্বাচিত হৈছিল। যোৱা মাহত ৰাহুলক সংসদৰ পৰা অযোগ্য ঘোষণা কৰাৰ পাছত ৱায়ানাড লোকসভা সমষ্টিটো খালী ঘোষণা কৰা হৈছিল আৰু বৰ্তমান সমষ্টিটো সাংসদশূন্য হৈ আছে। জনপ্ৰতিনিধিত্ব আইন, ১৯৫১-ৰ ধাৰা ১৫১ এ অনুসৰি, নিৰ্বাচন আয়োগে সমষ্টিটো খালী হোৱাৰ তাৰিখৰ পৰা ছয় মাহৰ ভিতৰত উপ-নিৰ্বাচন অনুষ্ঠিত কৰিব লাগিব৷