চুমা খায়ো গঢ়িব পাৰি বিশ্ব অভিলেখ! ৪ মিনিট ৬ ছেকেণ্ড পানীৰ তলত চুম্বন কৰি বিশ্ব অভিলেখ গঢ়িলে প্ৰেমিক-প্ৰেমিকাই

তেওঁলোকে পানীৰ তলত একেৰাহে ৪ মিনিট আৰু ৬ ছেকেণ্ডৰ ধৰি চুম্বন কৰি আটাইতকৈ দীঘল পানীৰ তলৰ চুম্বনৰ অভিলেখ গঢ়িবলৈ সক্ষম হয়। গিনিজ ৱৰ্ল্ড ৰেকৰ্ডে তেওঁলোকৰ অফিচিয়েল ইনষ্টাগ্ৰাম হেণ্ডেলত চুম্বনৰ ক্লিপ শ্বেয়াৰ কৰিছে। এই ভিডিঅ’ চোৱাৰ পিছতে ছ'চিয়েল মিডিয়া ব্যৱহাৰকাৰীসকলে বিভিন্ন ধৰণৰ মন্তব্য কৰা পৰিলক্ষিত হৈছে। এজন নেট ব্যৱহাৰকাৰীয়ে লিখিছে "সঁচাকৈয়ে মনোৰঞ্জনমূলক। মোৰ কোনো ধাৰণা নাছিল যে ইমান সময় ধৰি চুম্বন কৰিব পাৰি। অতি বিচিত্ৰ আৰু মনোৰঞ্জনমূলক," ৷ উল্লেখ্য চুম্বনৰ জড়িয়তে এইবাৰেই  প্ৰথম  কোনোবাই  অভিলেখ  সৃষ্টি কৰিবলৈ চেষ্টা কৰিছে তেনে নহয়। ইয়াৰ পূৰ্বৰ অভিলেখটো ১৩ বছৰ আগতে গিনিজ ৱৰ্ল্ড ৰেকৰ্ডছৰ ইটালিয়ান টিভি শ্ব' লো শ্ব দেই ৰেকৰ্ডত স্থাপন  হৈছিল। দম্পতীহালে ৩ মিনিট আৰু ২৪ ছেকেণ্ডৰ বাবে পানীৰ তলত চুমা খাবলৈ সক্ষম হৈছিল।

গিনিছ ৱৰ্ল্ড ৰেকৰ্ডৰ অফিচিয়েল ৱেবছাইটত উল্লেখ কৰা হৈছে যে তেওঁলোকে তিনি বছৰ আগতে প্ৰথমে পানীৰ তলত চুম্বনৰ  ধাৰণাটো লৈ আহিছিল। পানীৰ তলত চুম্বনেৰে অভিলেখ গঢ়া বেথ আৰু মাইলছেও স্বীকাৰ কৰিছে যে গোটেই বিষয়টো তেওঁলোকে আগতে ভবাতকৈ বহুত বেছি প্ৰত্যাহ্বানজনক আছিল। তেওঁলোকে মালদ্বীপলৈ যোৱাৰ কেইসপ্তাহমান আগতে অভিলেখ গঢ়াৰ বাবে প্ৰশিক্ষণ আৰম্ভ কৰিছিল।  ১৪ ফেব্ৰুৱাৰীত মালদ্বীপৰ লাক্স চাউথ আৰি এটোল ৰিজৰ্টত পুৱা ৭:৩০ বজাত এই প্ৰচেষ্টা আৰম্ভ হৈছিল। তেওঁলোকে প্ৰথমে কিছু উশাহ লৈ  ৱাৰ্ম-আপ  কৰিছিল৷ তাৰ পিছত দুই আৰু তিনি মিনিট ধৰি পানীৰ তলত দুটা চুম্বনেৰে অভিযান   আৰম্ভ কৰিছিল। তাৰ পিছত তেওঁলোকে একেৰাহে চুম্বনত লিপ্ত হয়৷