ডিজিটেল ডেস্কঃ উত্তৰাখণ্ড নহয়, এইবাৰ ডাৱৰ বিস্ফোৰণে জলপ্ৰলয়ৰ সৃষ্টি কৰিলে অৰুণাচলত। অৰুণাচলৰ ৰাজধানী ইটানগৰত কোনোদিন নেদেখা অকল্পনীয় দৃশ্যৰ সাক্ষী হল চহৰখনৰ বাসিন্দাসকল। ডাৱৰ বিস্ফোৰণৰ ফলত সৃষ্টি হোৱা ভয়াৱহ কৃত্ৰিম বানে বিধস্ত কৰি পেলাইছে ইটানগৰৰ জনজীৱন।
পানীয়ে যে এনে কালৰূপ ধাৰন কৰিব পাৰে ভাবিবই পৰা নাছিল ইটানগৰবাসীয়ে । আচম্বিতে অহা ভয়াৱহ কৃত্ৰিম বানে এফালৰ পৰা মষিমূৰ কৰি পেলালে ইটানগৰৰ সৌন্দৰ্য । কেইটামান ঘণ্টাৰ বাবে যেন ইটানগৰ পৰিণত হল সমুদ্ৰলৈ । মূহুৰ্তৰ ভিতৰতে উটুৱাই লৈ গল ঘৰ , বাহন ইত্যাদি ।
এতিয়া ইটানগৰৰ চৌদিশে বিভীষিকাময় পৰিবেশে বিৰাজ কৰিছে । হঠাতে অহা পানীৰ ছলে খহাই পেলাইছে ৰাজপথ । মূহুৰ্ততে ধ্বংস হল বহুতৰ কষ্টেৰে নিৰ্মিত ব্যৱসায়িক প্ৰতিষ্ঠান । এতিয়া ইটানগৰত মাথো আৰ্তজনৰ উচুপনি । বানে উটুৱাই নিলে বহু পৰিয়ালৰ সন্তানৰ পঢ়াৰ সকলো সামগ্ৰী । কেতিয়া ঘূৰি আহিব সুস্থিৰ পৰিবেশ তাকে ভাবি এতিয়া সময় অতিবাহিত কৰিছে ইটানগৰবাসীয়ে ।
Continue Reading
