দৰা অহাত অলপ পলম হ'ল; কইনাই প্ৰচণ্ড খঙত কৰিলে এই কাণ্ড! চাওঁক ভিডিঅ'

ডিজিটেল ডেস্কঃ এগৰাকী কইনাৰ উঠিছে প্ৰচণ্ড খং। বিয়াৰ দিনা কইনাই হাঁহি-মাতি থাকে বা নিজৰ জন্মৰ ঘৰখন এৰি যোৱাৰ দুখত মনে মনে চকুলোও টুকে। কিন্তু বিয়াৰ দিনা খঙাল কইনা দেখিছেনে কোনোবাই? যদি দেখা নাই আমি আজি দেখুৱাম আপোনাক। কইনাগৰাকীৰ খং কিয় উঠিছে জানেনে? দৰা সময়তকৈ অলপ দেৰিকৈ উপস্থিত হোৱা বাবে কইনাৰ উঠে প্ৰচণ্ড খং। কইনাৰ ইমানেই বেছি খং উঠে যে তেওঁ খং নিয়ন্ত্ৰণ কৰিব নোৱাৰি সকলোৰে আগত দৰাৰ ওপৰত খং-ক্ষোভ উজাৰে। শেহতীয়াকৈ ছ'চিয়েল মিডিয়াত ভাইৰেল হৈ পৰিছে এই বিয়াৰ ভিডিঅ'। বিয়াখন কোন ঠাইৰ বা দৰা-কইনাৰ পৰিচয় কি সেয়া জানিব পৰা হোৱা নাই যদিও ছ'চিয়েল মিডিয়াত ভিডিঅ'টো তীব্ৰগতিত ভাইৰেল হৈ আছে। ভিডিঅ'টোত দেখা অনুসৰি দৰা অহাত অলপ পলম হয় আৰু সেই কথাত কইনা অতিষ্ঠ হৈ পৰে। কইনাৰ আচৰণ দেখি দৰাৰো উঠে খং। দৰা-কইনা বিবাহ অনুষ্ঠানৰ মঞ্চত উঠি আছিল। বিয়াৰ ৰীতি অনুসৰি দৰাই কইনাক মিঠাই খুৱাবলৈ চেষ্টা কৰে কিন্তু কইনাই দৰাৰ হাতৰ পৰা মিঠাইটো কাঢ়ি দূৰলৈ দলিয়াই দিয়ে। কইনাৰ এই কাণ্ড দেখি দৰাৰো উঠে খং।

চাওঁক ভিডিঅ'

https://youtu.be/7OOvIeV60pg এইবাৰ কইনাই মুখখন ফুলাই দৰাক পানী খুৱাবলৈ লয় কিন্তু দৰাই পানী খাবলৈ অস্বীকাৰ কৰে। এইবাৰ কইনাৰ আৰু বেছিকৈ খং উঠি পানীৰ গিলাচটো দূৰলৈ দলি মাৰি দিয়ে। ভিডিঅ'টোৱে এতিয়া ছ'চিয়েল মিডিয়াত বিশেষ স্থান দখল কৰিছে। ভিডিঅ'টো প্ৰথমে 'weddlingcouplepageandindianweddingpage' নামৰ ইনষ্টাগ্ৰাম একাউণ্টত পোষ্ট কৰা হৈছিল। ভিডিঅ'টোই চাই নেটিজেনসকলে বৰ আমোদ পাইছে আৰু ভিন্ন ইমজিৰ সৈতে ভিডিঅ'টোত নিজৰ নিজৰ প্ৰতিক্ৰিয়া প্ৰকাশ কৰিছে। আৰু পঢ়কঃ ৫৩ বছৰ বয়সত মাতৃয়ে কৰিলে দ্বিতীয় বিবাহ; পুত্ৰই গৌৰৱেৰে ক’লে-‘মোৰ মা যুঁজাৰু’