ডিজিটেল ডেস্কঃ বিহাৰৰ ছপৰাৰ এখন বিয়াই সকলোৰে দৃষ্টি আকৰ্ষণ কৰিছে। এই বিয়াখনৰ দৰাৰ উচ্চতা ৪২ ইঞ্চি আৰু কইনাৰ উচ্চতা ৪৭ ইঞ্চি। মাধৌৰা গড় দেৱী মন্দিৰ চৌহদত হিন্দু ৰীতি-নীতি অনুসৰি পৰিয়ালৰ লোকৰ পাৰস্পৰিক সন্মতি সাপেক্ষে বিবাহ সম্পন্ন হয় দুয়োৰে। এই বিয়াখনত উপস্থিত থকা সকলোৱে কৈছে 'ৰব নে বনা দি জোড়ী'।
দৰা-কইনাৰ পৰিয়ালৰ লোকে জনোৱা মতে, দৰা ৰোহিত আৰু কইনা নেহাৰ উচ্চতা কম হোৱাৰ বাবে দুয়োৰে পৰিয়াল তেওঁলোকৰ পৰিয়াল বিবাহক লৈ চিন্তিত হৈ পৰিছিল। তেওঁলোকে জীৱনসংগী বিচাৰি পোৱা নাছিল। কিন্তু ভগৱানে সকলোৰে যোৰা বনাই ৰাখে। ৰোহিতে নিজৰ কইনা ৰূপে লাভ কৰিলে নেহাক। দুয়োৰে বিয়া হোৱাৰ পাছত দুয়োৰে পৰিয়াল চিন্তামুক্ত হৈ পৰিছে।
তথ্য অনুসৰি সাৰণ জিলাৰ মাধৌৰা থানা এলেকাৰ তেজপুৰুৱা পঞ্চায়তৰ লেৰুৱা গাঁৱৰ নিবাসী সত্যেন্দ্ৰ সিঙৰ প্ৰায় ৪২ ইঞ্চি উচ্চতাৰ পুত্ৰই খাবছি গাঁৱৰ নিবাসী শুভনাৰায়ণ প্ৰসাদৰ প্ৰায় ৪৭ ইঞ্চি উচ্চতাৰ কন্যা নেহাৰ সৈতে বিবাহপাশত আবদ্ধ হয়। বিয়াৰ পিছত দৰা-কইনা দুয়োৰে পৰিয়াল বৰ সুখী হৈ পৰিল।
দুয়োপক্ষৰ লোকে নৱবিবাহিত দম্পতীক আশীৰ্বাদ কৰি সুখী জীৱনৰ কামনা কৰিছে। দৰা ৰোহিতে কেতিয়াও নিজৰ নিম্ন উচ্চতাক নিজৰ দুৰ্বলতা হ’বলৈ নিদিলে, ৰোহিতে পঢ়া-শুনা কৰি কম্পাউণ্ডাৰৰ কাম শিকি নিজৰ ভৰিৰ ওপৰত থিয় দিবলৈ সক্ষম হ'ল।
Continue Reading
