ডিজিটেল ডেস্কঃ নিজক ফিজিকেলি ফিট ৰাখিবৰ বাবে আজিকালি প্ৰায় মানুহেই জিমলৈ যায়। এনে বহুতো মানুহ নিশ্চয় দেখিছে, যিয়ে মাংসপেশী আৰু বাইচেপছ বৃদ্ধি কৰিবলৈ জিমত যোগদান কৰে। একে সময়তে কিছুমান মানুহ আছে যিয়ে ষ্টেৰইড আৰু বেজী আদি বহুতো বস্তু ব্যৱহাৰ কৰি দ্ৰুত ফলাফল লাভ কৰে। ব্ৰাজিলৰ এজন বডি বিল্ডাৰ তথা টিকটক তাৰকা ভালদিৰ ছেগাটোৱে পেশী বৃদ্ধিৰ এনে এক কাম কৰিছিল, যাৰ ফলত তেওঁ মৃত্যুক সাবটি লয়।
‘হাল্ক’ নামেৰে পৰিচিত এই ব্ৰাজিলৰ লোকজনে ২৩ ইঞ্চিৰ বাইচেপছ বনাবৰ বাবে এক বিপজ্জনক তেলৰ ইনজেকচন লৈছিল যাৰ ফলত নিজৰ জন্মদিনৰ দিনাই তেওঁ মৃত্যুক সাবটি লয়। মৃত্যুৰ সময়ত তেওঁৰ বয়স আছিল ৫৫ বছৰ। ষ্ট্ৰোক আৰু সংক্ৰমণৰ আশংকা থকাৰ পিছতো ভালডিৰ ছেগাটোৱে দীৰ্ঘদিন ধৰি বাইচেপছ আৰু পিঠিৰ পেশী বৃদ্ধিৰ বাবে ছিন্থল বেজী ব্যৱহাৰ কৰি আহিছিল।
ভালডিৰে কৈছিল যে মানুহে মোক সকলো সময়তে শ্ব’ৱাৰ্জেনেগাৰ, হাল্ক আৰু হি-মেন নামেৰে মাতে আৰু মই এই সকলোবোৰ নাম শুনি ভাল পাওঁ। মোৰ বাইচেপছ দুগুণ কৰিলোঁ যদিও আৰু ডাঙৰ বাইচেপছ বিচাৰো।
৬ বছৰ আগতে ভালদিৰক চিকিৎসকে সকীয়াই দিছিল যে যদি তেওঁ এনে শৰীৰ বনাবলৈ বেজী ব্যৱহাৰ কৰি থাকে তেন্তে তেওঁ হয়তো স্নায়ুৰ ক্ষতিকে ধৰি বহু জীৱনলৈ ভাবুকি কঢ়িয়াই অনা সমস্যাৰ সন্মুখীন হ’বলগীয়া হ’ব পাৰে। কিন্তু চিকিৎসকৰ কথা আওকাণ কৰি ইয়াৰ পাছতো ভালদিৰে পেশী বৃদ্ধিৰ বাবে বেজী দি থাকিল।
একেৰাহে বেজী দিয়াৰ পিছত ভালদিৰৰ মাংসপেশীবোৰ ২৩ ইঞ্চিলৈ বৃদ্ধি পালে, যাৰ বাবে মানুহে তেওঁক ‘The Monster’ বুলি মাতিবলৈ ধৰিলে, যাৰ বাবে তেওঁ অতি গৌৰৱ অনুভৱ কৰিছিল। কিন্তু ভালদিৰ ছেগাটোৰ এই হাবিয়াসে তেওঁৰ মৃত্যুৰ কাৰণ হৈ পৰিল।
Continue Reading
