ডিজিটেল ডেস্কঃ হায়দৰাবাদৰ নামপল্লী অঞ্চলত দেৱালী উদযাপন শোকত পৰিণত হৈছে। এটা অট্টালিকাত সংঘটিত অগ্নিকাণ্ডত ৯ জন লোকৰ মৃত্যু ঘটিছে। ঘটনাটোত তিনিজন লোক আহত হৈছে। আৰক্ষী আৰু অগ্নি নিৰ্বাপক বাহিনীৰ কৰ্মীসকল ঘটনাস্থলীলৈ গৈ জুই নিৰ্বাপন কৰিবলৈ সক্ষম হয়।
আহতসকলক ততাতৈয়াকৈ এখন চিকিৎসালয়লৈ লৈ যোৱা হয়।আৰক্ষীয়ে প্ৰকাশ কৰা মতে আজি পুৱা প্ৰায় ৯.৩০ বজাত জুই লাগে ।প্ৰথমে তলৰ মহলাৰ গুদামত জুই লাগিছিল। তাত ৰাসায়নিক পদাৰ্থ সংৰক্ষণ কৰা আছিল বাবে জুই নিমষৰ ভিতৰতে ওপৰৰ মহলালৈ বিয়পি পৰে। অগ্নিকাণ্ডটো ইমানেই ভয়াৱহ আছিল যে জুইত নজন লোকৰ মৃত্যু হয় ।
অগ্নিনিৰ্বাপক বাহিনীয়ে প্ৰকাশ কৰা মতে যেতিয়া তলৰ মহলাত জুই লাগিছিল, বহুলোকে ভৱনটোৰ ওপৰৰ মহলালৈ দৌৰিবলৈ আৰম্ভ কৰিছিল। এতিয়ালৈকে ঘৰটোৰ পৰা মুঠ ২১ জন লোকক উদ্ধাৰ কৰা হৈছে। দহজন লোকক অচেতন অৱস্থাত পোৱা গৈছে। কৰ্তৃপক্ষই ঘটনাটোৰ তদন্ত আৰম্ভ কৰিছে। আৰক্ষী আৰু অগ্নি নিৰ্বাপক বাহিনীৰ কৰ্মীসকলে জুই লগাৰ প্ৰকৃত কাৰণ জানিবলৈ চেষ্টা কৰি আছে।
Continue Reading
