ডিজিটেল ডেস্ক:বিশ্বৰ শ্ৰেষ্ঠ খেলুৱৈ বুলিলেই লিঅ’নেল মেছীৰ নামেই মনলৈ আহে৷ শ্ৰেষ্ঠত্বৰ সমান্তৰালভাৱে অতি জনপ্ৰিয়ও খেলুৱৈগৰাকী। শেহতীয়াকৈ কাটাৰত প্ৰদৰ্শন কৰা মেছীৰ দুভৰিৰ যাদু সকলোৰে হৃদয়ত ৰৈ যাব৷
একেসময়তে অৱসৰক লৈ বিশেষ গুৰুত্বপূৰ্ণ মন্তব্য কৰিলে মেছীয়ে। বিশ্বকাপ ২০২২ৰ পিছতে বহু তাৰকাই অৱসৰ ঘোষণা কৰিব বুলিও বহু জল্পনা-কল্পনা চলিছিল। তাৰ মাজতে লিঅ’নেল মেছীয়ে ঘোষণা কৰিলে যে বিশ্বকাপ ফাইনেলৰ পিছত আৰু আৰ্জেণ্টিনা দলৰ জাৰ্ছী পিন্ধি খেলপথাৰত নানামে তেওঁ।এই ঘোষণাত যদি মেছী অটল থাকে দেওবাৰৰ পিছত আৰু অনুৰাগীয়ে আৰ্জেণ্টিনাৰ জাৰ্ছীত নেদেখিব মেছীক৷
মেছীৰ এনে ঘোষণাই স্বাভাৱিকতেই হতাশ কৰিছে অনুৰাগীসকলক৷ বহু অনুৰাগী আৱেগিকো হৈ পৰিছে প্ৰিয় তাৰকাজনৰ এনে সিদ্ধান্তত৷ অৱশ্যে বৰ্তমান অনুৰাগীসকলৰ বাবে মেছীৰ অৱসৰতকৈ বিজয় হে অধিক গুৰুত্বপূৰ্ণ হৈ পৰিছে৷
Continue Reading
