ডিজিটেল ডেস্কঃ বিশ্বকাপৰ বাকী থকা মেচবোৰত সমস্ত শক্তিৰে খেলা সত্ত্বেও ফাইনেলত পৰাস্ত হয় ভাৰত। বিশ্বকাপৰ সৰ্বাধিক উইকেট দখলকাৰী হোৱাৰ পিছতো মহম্মদ ছামীয়ে ফাইনেলত এটাতকৈ অধিক উইকেট ল’ব নোৱাৰিলে। বাকী ক্ৰিকেটাৰৰ দৰে বলিষ্ঠ বলাৰগৰাকীও মেচখনৰ পাছত অতি হতাশ হৈ পৰিছিল। ছ’চিয়েল মিডিয়াত তেওঁ নিজৰ হতাশা প্ৰকাশ কৰে।
চূড়ান্ত পৰাজয়ৰ কেইঘণ্টামান পিছতে ছ’চিয়েল মিডিয়াত শ্বামীয়ে লিখিছে, ‘আমি কিছুমান মেচত জয়ী হও, কিছুমান মেচত পৰাস্ত হওঁ। এই হাৰ আমাৰ সকলোৰে বাবে হজম কৰাটো কঠিন। কিন্তু আমি মূৰটো ওপৰলৈ তুলি ধৰিছো। এই দলটোক লৈ গৌৰৱান্বিত। আমাৰ কাষত থিয় দি আমাক সহায় কৰাৰ বাবে আপোনালোক সকলোকে ধন্যবাদ।”
উল্লেখযোগ্য যে সোমবাৰে শ্বামীয়ে আন এখন ছবিও পোষ্ট কৰে। দেখা গৈছে প্ৰধানমন্ত্ৰী নৰেন্দ্ৰ মোদীয়ে তেওঁক সাৱটি ধৰিছে। তাত তেওঁ লিখিছিল, “দেওবাৰটো আমাৰ নাছিল। সমগ্ৰ বিশ্বকাপত আমাক সহায় কৰাৰ বাবে সকলো ভাৰতীয়লৈ ধন্যবাদ। সাজঘৰলৈ আহি আমাক উৎসাহিত কৰাৰ বাবে প্ৰধানমন্ত্ৰী নৰেন্দ্ৰ মোডীলৈ বিশেষ ধন্যবাদ।’’
Continue Reading
