ডিজিটেল ডেস্কঃ অষ্ট্ৰেলিয়াৰ পেট কামিন্সে হালধীয়া জাৰ্চি পিন্ধা পঞ্চম অধিনায়ক হিচাপে ষষ্ঠবাৰৰ বাবে বিশ্বকাপ জয়ৰ সোৱাদ দিলে দেশখনক। ২০১১ চনত এদিনীয়া ক্ৰিকেটত অভিষেক ঘটোৱাৰ পিছৰে পৰা খেলপথাৰত বহু স্মৰণীয় মুহূৰ্তৰ সাক্ষী হৈ আহিছে। কিন্তু চলিত বিশ্বকাপৰ ফাইনেলত বিৰাট কোহলীক আউট কৰি আহমেদাবাদৰ নীলাৰঙী দৰ্শকক নিস্তব্ধ কৰি তোলাটোৱেই আছিল তেওঁৰ ‘আটাইতকৈ সুখৰ স্মৃতি’।
সোমবাৰে কামিন্সে কয়, “সেই গেলেৰীখনৰ নিস্তব্ধতা অনুভৱ কৰিবলৈ আমাৰ কেইছেকেণ্ডমান সময় লাগিছিল। আন যিকোনো দিনৰ দৰেই দেওবাৰেও শতক অৰ্জন কৰিবলৈ বিৰাটৰ বাবে ফাইনেলৰ মঞ্চ প্ৰস্তুত আছিল যেন লাগিছিল। কিন্তু তেওঁ বিফল হোৱাত আমি সুখী হৈছিলো।"
উল্লেখ্য যে মেচখনত কামিন্সৰ এটা বল কভাৰৰ ফালে বেক অৱ দ্য লেংথ খেলি থকা অৱস্থাত বিৰাটে বেটত বলটো লাগি উফৰি গৈ ষ্টাম্প ভাঙে। তেতিয়া তেওঁ ৫৪ ৰানত বেটিং কৰি আছিল। কোহলি ওলাই অহাৰ লগে লগে ৯০ হাজাৰৰো অধিক দৰ্শক স্তব্ধ হৈ পৰিল।
Continue Reading
