ডিজিটেল ডেস্কঃ শুকুৰবাৰে (১১ আগষ্ট) উচ্চতম ন্যায়ালয়ে কয় যে আদালতলৈ অহা বৃহৎ সংখ্যক চৰকাৰী গোচৰ বেছিভাগেই ভিত্তিহীন। এনে গোচৰৰ বাবে আদালতৰ কামৰ বোজা বাঢ়িছে।ন্যায়াধীশ পি এছ নৰসিংহ, ন্যায়াধীশ প্ৰশান্ত কুমাৰ মিশ্ৰ আৰু ন্যায়াধীশ বি আৰ গাভাইৰ বিচাৰপীঠে কয় যে ৭০ শতাংশ চৰকাৰী গোচৰ ভিত্তিহীন আৰু তেওঁলোকে এই প্ৰতিশ্ৰুতিক লৈ প্ৰশ্ন উত্থাপন কৰে, য’ত কোৱা হৈছিল যে গোচৰৰ ওপৰত নীতি নিৰ্ধাৰণ কৰা হ’ব যাতে আদালতৰ ওপৰত গোচৰৰ বোজা কমি যায় আৰু খৰচো নিয়ন্ত্ৰণ কৰিব পাৰি।
কেন্দ্ৰীয় চৰকাৰে দাখিল কৰা এক বিবিধ আবেদনৰ শুনানি গ্ৰহণ কৰি আদালতে এই মন্তব্য কৰে। বিবিধ আৱেদন দাখিল কৰা গোচৰটো ইতিমধ্যে আদালতে খাৰিজ কৰিছে। শুকুৰবাৰে যেতিয়া বিষয়টো শুনানি গ্ৰহণ কৰা হয় তেতিয়া ন্যায়াধীশ গাভাইয়ে আনকি ইংগিত দিয়ে যে আদালতে কেন্দ্ৰীয় চৰকাৰক জৰিমনা বিহাৰ বাবে প্ৰৱল কাৰণ আদালতৰ দৃষ্টিত কেন্দ্ৰই প্ৰকৃততে বিবিধ আবেদনৰ আঁত ধৰি পুনৰীক্ষণ আবেদন দাখিল কৰিছে।
ন্যায়াধীশ গাভায়ে অতিৰিক্ত ছলিচিটৰ জেনেৰেল এ এছ জি ঐশ্বৰ্য ভাটীক কয়, “আপোনাৰ পৰা কিমান খৰচ আদায় কৰিব লাগে? ইতিমধ্যে খাৰিজ কৰা আবেদনক বিবিধ আবেদনৰ জৰিয়তে কেনেকৈ পুনৰুজ্জীৱিত কৰিব পাৰি? আমি এই প্ৰথাক সঠিক বুলি নাভাবো কাৰণ আদালতে ইতিমধ্যে এই আবেদন খাৰিজ কৰিছে। এনে গোচৰৰ ৭০ শতাংশই ভিত্তিহীন। কেন্দ্ৰ আৰু ৰাজ্য চৰকাৰে ইচ্ছা কৰিলে সমাধান বিচাৰি পাব পাৰে। আমি কেৱল বাতৰি কাকতত পঢ়িবলৈ পাওঁ যে গোচৰটোৰ সন্দৰ্ভত নীতিৰ কাম চলি আছে, কিন্তু সত্যটো প্ৰকৃততে বেলেগ৷”
Continue Reading
