দেশৰ এখন অনন্য গাঁও, য’ত প্ৰতিঘৰ লোকে পালন কৰে সাপ

ডিজিটেল ডেস্কঃ ভাৰত এখন বৈচিত্ৰ্যৰে পৰিপূৰ্ণ দেশ। এই বৈচিত্ৰ্যভৰা দেশৰ বিচিত্ৰ কাৰ্য-কলাপে সকলোকে আচৰিত কৰি তোলে। মহাৰাষ্ট্ৰত এনে এখন অনন্য গাঁও আছে য'ত প্ৰতিঘৰতে পালন কৰা হয় সাপ। কেৱল সেয়াই নহয়, এই গাঁওখনৰ ল'ৰা-ছোৱালীয়েও সাপৰ সৈতে খেলে। আচৰিত কথাটো এয়ে যে এই গাঁৱৰ কোনো ব্যক্তিকে আজিলৈকে সাপে দংশন কৰা নাই। দৰাচলতে, মহাৰাষ্ট্ৰৰ চোলাপুৰ জিলাত অৱস্থিত এই গাঁওখনৰ নাম শ্বেতপাল। এই গাঁওখনৰ আটাইতকৈ ডাঙৰ বৈশিষ্ট্যটো হ'ল যে ইয়াৰ বাস কৰা লোকসকলে দীৰ্ঘদিন ধৰি ইয়াত সাপক পূজা কৰি আহিছে। এই কাৰণেই গাঁওখনৰ প্ৰতিঘৰ লোকে পালন কৰে সাপ। গাঁওখনৰ প্ৰতিজন নাগৰিকৰ সাপৰ প্ৰতি যথেষ্ট শ্ৰদ্ধা-ভক্তিৰ বাবে ইয়াত সাপ পালন কৰা হয়। [caption id="attachment_133574" align="aligncenter" width="340"] দেশৰ এখন অনন্য গাঁও, য’ত প্ৰতিঘৰ লোকে পালন কৰে সাপ[/caption] জানিব পৰা মতে, শ্বেতপালৰ প্ৰতিটো ঘৰত সাপ পালন কৰা হয়। কেৱল এয়াই নহয়, কিছুমানৰ ঘৰত কোব্ৰাও পালন কৰা হয়। ঘৰৰ শিশুসকলে সাপবোৰৰ সৈতে খেলি থকাও দেখা যায়। গাঁওখনৰ ঘৰবোৰত সাপবোৰ পোহনীয়া জন্তুৰ দৰে ঘূৰি ফুৰে। এই দৃশ্য প্ৰত্যক্ষ কৰিবলৈ ওচৰ-চুবুৰীয়া গাঁওবোৰৰ গঞাই ইয়াত ভিৰ কৰেহি। উল্লেখ্য যে, গাঁওখনত প্ৰায় ২,৬০০ জনসংখ্যা বাস কৰে আৰু এই সকলো গাঁওবাসীক আজিলৈকে সাপে দংশন কৰা নাই। ইয়াৰ লগতে সাপবোৰ থাকিবলৈ এটা পৃথক স্থান বনাই দিয়া হয়। এই ঠাইখন ঘৰৰ চালত নিৰ্মাণ কৰা হয় এনে কিছুমান স্থান। যাক তেওঁলোকে দেৱস্থান বুলি গণ্য কৰে। যেতিয়া উৎসৱ আহে গাঁওখনৰ বাসিন্দাসকলে সম্পূৰ্ণ ৰীতি-নীতিৰে সাপক উপাসনা কৰা হয়।