ডিজিটেল ডেস্ক: দীপাৱলী বিশেষ ‘কাজু কাটলি’কে ধৰি দুটা ভাৰতীয় মিঠায়ে বিশ্বৰ শীৰ্ষ ৫০টা শ্ৰেষ্ঠ মিঠাইৰ তালিকাত স্থান লাভ কৰিছে৷ বিশ্বৰ শীৰ্ষ মিঠাইৰ তালিকাত ভাৰতীয় মিঠায়ে স্থান পোৱা বিষয়টোৱে আনন্দিত কৰি তুলিছে দেশৰ মিঠাইপ্ৰেমীসকলক৷
বিশ্বৰ বৰ্তমানৰ সৰ্বশ্ৰেষ্ঠ মিঠাইৰ ৰেংকিঙত দুটা জনপ্ৰিয় ভাৰতীয় মিঠায়ে শীৰ্ষ স্থান দখল কৰিছে। মূলত: পশ্চিম বংগৰ পৰম্পৰাগত চীজ মিঠাই ৰসমালাই বিশ্বৰ ভিতৰতে ৩১সংখ্যক স্থান লাভ কৰিছে৷ আনহাতে আন এটি ভাৰতীয় মিঠাই কাজু কাটলীয়ে টেষ্ট এটলছত ৪১সংখ্যক স্থান লাভ কৰিছে৷
এই তালিকাৰ শীৰ্ষ স্থানটো ফ্ৰান্সৰ ক্লাছিক ক্ৰেপছে দখল কৰিছিল, আনহাতে ব্ৰাজিলৰ বম্বক’ডছ, এক বিশেষ নাৰিকল-সোৱাদযুক্ত পেষ্ট্ৰীয়ে দ্বিতীয় স্থান লাভ কৰিছিল। পেৰুৰ আইকনিক কুৱেচো হেলাডো (গাঁথনিত আইচক্ৰীমৰ দৰে মিঠাই)ই এই তালিকাত তৃতীয় স্থান দখল কৰে আৰু তাৰ পাছত চতুৰ্থ স্থানত আছে ইটালীৰ আইকনিক টিৰামিচু।
Continue Reading
