তেওঁৰ বাবে এম এছ ধোনী স্বপ্নৰ নায়ক আৰু স্বপ্নৰ নায়কেই তেওঁৰ হেঁপাহৰ বাহনখনত বাকি দিছে আখৰৰ মুকুতা৷ বহুতৰ বাবে এয়া সপোন সপোন লগা কাহিনী৷

Listen to Article

2 min read

80%

ডিজিটেল ডেস্ক: তেওঁৰ বাবে এম এছ ধোনী স্বপ্নৰ নায়ক আৰু স্বপ্নৰ নায়কেই তেওঁৰ হেঁপাহৰ বাহনখনত বাকি দিছে আখৰৰ মুকুতা৷ বহুতৰ বাবে এয়া সপোন সপোন লগা কাহিনী৷

অনুৰাগীৰ গাড়ীত অটোগ্ৰাফ দিছে মহেন্দ্ৰ সিং ধোনীয়ে৷ আৰু এই ভিডিঅ’ ভাইৰেল হৈ পৰাৰ পাছত ইণ্টাৰনেটত নেটিজেনে আগবঢ়াইছে ভিন্নধৰ্মী প্ৰতিক্ৰিয়া৷ স্বাভাৱিকতে একাংশ অনুৰাগীয়ে ধোনীৰ এই কাৰ্যত আশ্চৰ্য প্ৰকাশ কৰিছে৷

ভাৰতীয় ক্ৰিকেট দলৰ প্ৰাক্তন অধিনায়ক এম এছ ধোনীয়ে আকৌ এবাৰ অনুৰাগীসকলক আকৰ্ষিত কৰিলে তেওঁৰ এই সৰল অভিব্যক্তিৰে৷

এইবাৰ ধোনীৰ এজন অনুৰাগী অভিষেক কেৰকেট্টাক তেওঁৰ বিএমডব্লিউ- ৭৪০ আই চিৰিজত এক বিশেষ অটোগ্ৰাফ দি আনন্দিত কৰি তুলিলে৷ ধোনীৰ এই অটোগ্ৰাফ দিয়া সময়কণ বুকুত সঞ্চিত কৰি ৰাখিলে অভিষেকে৷

অভিষেক কেৰকেট্টাই পূৰ্বৰে পৰা ধোনীৰ সৈতে হোৱা বাৰ্তালাপৰ আভাস ছ’চিয়েল মিডিয়াত শ্বেয়াৰ কৰি আহিছে৷ বিশেষকৈ জিমৰ ভিতৰৰ ভিডিঅ’ শ্বেয়াৰ কৰে অভিষেকে৷ অৱশ্যে, শেহতীয়া হৃদয়স্পৰ্শী ভিডিঅ’টো টুইটাৰলৈও প্ৰসাৰিত হৈছে, য’ত অনুৰাগী আৰু ক্ৰিকেট উৎসাহীসকলে ধোনীৰ ভংগীমাৰ প্ৰতি তেওঁলোকৰ প্ৰশংসাসূচক অভিব্যক্তি প্ৰকাশ কৰিছে।

উল্লেখ্য যে ভিডিঅ’টোৱে ক্ৰিকেটাৰজনৰ সৰলতা আৰু ব্যক্তিগত পৰ্যায়ত অনুৰাগীসকলৰ সৈতে সংযোগ স্থাপন কৰাৰ সামৰ্থকে তুলি ধৰিছে৷