দেশৰ সৈতে আছো, মোদীক কটাক্ষ কৰাৰ প্ৰতিবাদ জনাই মালদ্বীপলৈ বুকিং কৰা সকলো বিমানৰ টিকট বাতিল কৰিলে ভাৰতৰ ভ্ৰমণ সংস্থাই

 মালদ্বীপৰ চৰকাৰে  আশংকা কৰিছে যে যদি ভাৰতৰ জনসাধাৰণে মালদ্বীপ ভ্ৰমণ বাতিল কৰে, তেন্তে দেশখনৰ  অৰ্থনীতি ক্ষতিগ্ৰস্ত হ'ব।  উল্লেখ্য প্ৰধানমন্ত্ৰী  নৰেন্দ্ৰ মোদীয়ে লাক্ষদ্বীপ ভ্ৰমণৰ ফটো ছচিয়েল মিডিয়াত পোষ্ট কৰাৰ বাবে সমালোচনাৰ কৰি  মন্ত্ৰী পদ হেৰুৱাবলগীয়া হৈছে মালদ্বীপৰ তিনি মন্ত্ৰীয়ে। মালদ্বীপৰ যুৱ পৰিক্ৰমা মন্ত্ৰী মাৰিয়াম শ্বেউনাই মোদীক  "পুতলা" বুলি অভিহিত কৰিছিল। মোদীক সমালোচনা কৰাৰ পিছতে মালদ্বীপৰ  মন্ত্ৰীগৰাকীক  নিলম্বন কৰা হয় । দুজন মন্ত্ৰী মালশা শ্বৰীফ আৰু মাহজুম মজিদকো একে কাৰণতে  নিলম্বিত কৰা হৈছে। ভাৰতীয় উচ্চআয়োগে ইতিমধ্যে সমগ্ৰ বিষয়টোকলৈ মালদ্বীপ চৰকাৰৰ সৈতে আলোচনা আৰম্ভ কৰিছে। মন কৰিবলগীয়া কথাটো হ’ল  মালদ্বীপৰ মন্ত্ৰীগৰাকীৰ  মন্তব্য পোহৰলৈ অহাৰ পিছতে ছ'চিয়েল মিডিয়াত বয়কট মালদ্বীপ হেচটেগ আৰম্ভ হয়। মোদীক কটাক্ষ কৰাৰ বাবেই বহু ভাৰতীয় লোকে মালদ্বীপলৈ ভ্ৰমণৰ বাবে  যোৱাৰ পৰিকল্পনা বাতিল কৰিছে।