ডিজিটেল ডেস্কঃ দেশৰ ভিতৰত উজলিল কেন্দ্ৰীয় মন্ত্ৰী সৰ্বানন্দ সোণোৱালৰ দপ্তৰ। ৬৬টা মন্ত্ৰালয়ৰ ভিতৰত দ্বিতীয় স্থান লভিবলৈ সক্ষম হল কেন্দ্ৰীয় মন্ত্ৰী সৰ্বানন্দ সোণোৱালৰ দায়িত্বত থকা বন্দৰ, জাহাজ পৰিবহণ আৰু জলপথ মন্ত্রালয়ে।
নীতি আয়োগে গুণগত মান সূচকৰ ওপৰত প্ৰকাশ কৰা ২০২২-২৩ বৰ্ষৰ প্ৰতিবেদনত ৫ নম্বৰৰ ভিতৰত ৪.৮ নম্বৰ লাভেৰে এই স্থান দখল সৰ্বানন্দ সোণোৱালৰ দপ্তৰৰ।
কেন্দ্ৰীয় খণ্ডৰ আঁচনি (Central Sector Schemes) আৰু কেন্দ্ৰীয় পৃষ্ঠপোষকতা তত্বাৱধান আঁচনি (Centrally Sponsored Schemes) ৰূপায়ণৰ বাবে বিভিন্ন মন্ত্ৰালয় আৰু বিভাগৰ দ্বাৰা সিদ্ধান্ত গ্ৰহণ প্ৰক্ৰিয়াত ব্যৱহৃত প্ৰশাসনিক তথ্য প্ৰণালীৰ পৰিপক্কতাৰ স্তৰ জোখাৰ উদ্দেশ্যৰে চলোৱা হৈছিল এক সমীক্ষা।
নীতি আয়োগৰ উন্নয়ন নিৰীক্ষণ আৰু মূল্যাঙ্কন কাৰ্যালয়ে চলোৱা জৰীপত সৰ্বানন্দ সোণোৱালৰ দপ্তৰে লাভ কৰিবলৈ সক্ষম হয় দ্বিতীয় স্থান। এই খবৰে সুখী কৰিছে সৰ্বানন্দ সোণোৱালৰ লগতে তেওঁৰ শুভাকাংক্ষীসকলক।
Continue Reading
