দেশত আকৌ প্ৰযোজ্য হ’ব নেকি নতুন বিধেয়ক : কিৰেন ৰিজিজুৱে লোকসভাত উত্থাপন কৰিব প্ৰস্তাৱ

ডিজিটেল ডেস্ক: কেন্দ্ৰীয় চৰকাৰে আজি লোকসভাত নিৰ্বাচনী আইন সংশোধনী বিধেয়ক -২০২১ উত্থাপন কৰাৰ সম্ভাৱনা আছে৷ জনপ্ৰতিনিধিত্ব আইন- ১৯৫০ আৰু জনপ্ৰতিনিধিত্ব আইন- ১৯৫১ সংশোধনৰ বাবে কেন্দ্ৰীয় আইন মন্ত্ৰী কিৰেন ৰিজিজুৱে বিধেয়ক খন উত্থাপন কৰিব বুলি জানিবলৈ পোৱা গৈছে। বিধেয়কখনে ‘চিনাক্তকৰণ প্ৰতিষ্ঠাকৰাৰ উদ্দেশ্যে’ ভোটাৰ পঞ্জীয়নৰ বাবে আধাৰ নম্বৰ ব্যৱহাৰ কৰিবলৈ অনুমতি দিবলৈ জনপ্ৰতিনিধিত্ব আইন সংশোধন কৰিব বিচাৰিছে। ই জনপ্ৰতিনিধিত্ব আইনক লিংগ-নিৰপেক্ষ কৰাৰ বাবে ‘ওৱাইফ’ শব্দটোৰ সলনি ‘স্পাউছ’ ব্যৱহাৰ কৰাৰ প্ৰস্তাৱ উত্থাপন কৰিছে।

ইয়াৰ উপৰি, প্ৰস্তাৱিত বিধেয়কখনে নিৰ্বাচনী পঞ্জীয়ন বিষয়াসকলক ভোটাৰ হিচাপে পঞ্জীয়ন কৰিব বিচৰা লোকসকলৰ আধাৰ নম্বৰ সন্নিবিষ্ট কৰাৰ কথা উল্লেখ কৰে৷
আনহাতে, কেন্দ্ৰীয় বিত্তমন্ত্ৰী নিৰ্মলা সীতাৰমণে সম্ভৱতঃ ৰাজ্যসভাত নাৰ্ক’টিকছ ড্ৰাগছ এণ্ড চাইকোট্ৰপিক চাবষ্টেন্স সংশোধনী বিধেয়ক উত্থাপন কৰিব।