ডিজিটেল ডেস্কঃ এতিয়া যেন সমগ্ৰ দেশতে একছত্ৰী সম্ৰাট হ’বলৈ উলাইছে ৰিলায়েন্স। দেশৰ হয়তো এনেকুৱা এটা ব্যৱসায়িক ক্ষেত্ৰ নাই, য’ত ৰিলায়েন্সৰ হস্তক্ষেপ নাই। এইবাৰ ৰিলায়েন্সে ঔষধৰ জগতখনত প্ৰৱেশ কৰিবলৈ সাজু হৈছে। ৰিলায়েন্সৰ প্ৰতিনিধিয়ে সম্প্ৰতি ঔষধৰ জগতখনত প্ৰৱেশ কৰি ঔষধৰ ফাৰ্মাচীসমূহক ২৮-৩০ শতাংশ লাভৰ সুযোগ প্ৰদান কৰি যোগানৰ প্ৰস্তাৱ দিছে বুলি জানিব পৰা গৈছে। অসমত থকা ৮-১০ হাজাৰ ফাৰ্মাচীয়ে ঔষধ ক্ৰয় কৰি থকাৰ ফলত ব্যৱসায় চলাই আছে। ৰিলায়েন্সৰ এই ব্যৱসায় বৃদ্ধিত ডিলাৰসমূহৰ যেন এতিয়া পানীত হাঁহনচৰা হ’ব, সেয়া নিশ্চিত। ডিলাৰসমূহ এনেদৰে লোকচানৰ সন্মুখীন হোৱাৰ ফলত ৰিলায়েন্সে নিজৰ হাতলৈ নিব আৰু তেতিয়াই জিঅ’ই নিজৰ মতে দামবৃদ্ধি কৰিব।
ৰিলায়েন্সৰ দ্বিতীয় লক্ষ্য হৈছে ফাৰ্মাচীসমূহ। ইতিমধ্যে ৰিলায়েন্সে স্বকীয়ভাৱে দেশত ১১৪খন ফাৰ্মাচী আৰম্ভ কৰিছে। হয়তো কিছু দিনৰ পাছতে সমগ্ৰ দেশতে ফাৰ্মাচী আউটলেট খোলাৰ সম্ভাৱনা প্ৰকট হৈ উঠিছে। তদুপৰি সমগ্ৰ দেশতে ঘৰৰ দুৱাৰমুখতে ঔষধ বিতৰণ কৰিবলৈ ৰিলায়েন্সে ঠায়ে-ঠায়ে খুলিব স্মাৰ্ট পইণ্ট ষ্ট’ৰ। উল্লেখ্য যে, য’ত ফাৰ্মাচী খুলিব নোৱাৰে তাত ৰিলায়েন্সে ঔষধ প্ৰেৰণ কৰিব নিজস্ব নেটৱৰ্কৰে।
অচিৰেই দেশৰ ৰোগী জেনেৰিক ঔষধৰ ক্ষেত্ৰত অভ্যস্ত হৈ পৰিব আৰু সস্তাত জেনেৰিক ঔষধ বিক্ৰী কৰিবলৈ সাজু হৈছে ৰিলায়েন্স জিঅ’। ইয়াৰ লগে-লগে ব্ৰেণ্ড নেম ঔষধৰ চাহিদা দেশত নোহোৱা হৈ পৰিব আৰু এপিনৰ পৰা মৃত্যুমুখত পৰিব দেশৰ ঔষধ প্ৰস্তুতকাৰী কোম্পানী তেতিয়াই ঔষধৰ সাম্ৰাজ্যৰ একছত্ৰী অধিপতি হ’ব মুকেশ আম্বানীৰ ৰিলায়েন্স।
Continue Reading
