ডিজিটেল ডেস্ক: ভাৰতত কৰ’নাত আক্ৰান্তৰ সংখ্যা ক্ৰমাগতভাৱে বৃদ্ধি পাবলৈ ধৰিছে। একেৰাহে তৃতীয় দিনৰ বাবে দেশত ২০ হাজাৰৰো অধিক কৰ’নাত আক্ৰান্ত হৈছে। যোৱা ২৪ ঘণ্টাত দেশত ২০ হাজাৰ ৫২৮জন কৰ’নাত আক্ৰান্ত হৈছে, যিটো কালিৰ তুলনাত ২.৪% বেছি। ইয়াৰ সমান্তৰালকৈ ক’ভিডৰ বাবেও ৪৯জন লোকে প্ৰাণ হেৰুৱাইছে। ইয়াৰ পূৰ্বে শনিবাৰে ২০,০৪৪জনৰ বিপৰীতে শুকুৰবাৰে ২০,০৩৮গৰাকী কৰ’নাত আক্ৰান্ত হৈছিল।
স্বাস্থ্য মন্ত্ৰণালয়ে জনোৱা মতে, কেৰালাত সৰ্বাধিক সংখ্যক লোক আক্ৰান্ত হৈছে। ইয়াত ২ হাজাৰ ৮৭১গৰাকী লোক আক্ৰান্ত হৈছে। ইয়াৰ পাছত পশ্চিমবংগত ২ হাজাৰ ৮৩৯জন, মহাৰাষ্ট্ৰত ২ হাজাৰ ৩৮২জন, তামিলনাডুত ২ হাজাৰ ৩৪০জন আৰু কৰ্ণাটকত ১ হাজাৰ ৩৭৪জন আক্ৰান্ত হৈছে।
যোৱা ২৪ ঘণ্টাত দেশত ৪৯জন কৰ’না আক্ৰান্ত ৰোগীৰো মৃত্যু হৈছে, যাৰ ফলত দেশত কৰ’নাত আক্ৰান্ত হৈ মৃত্যু হোৱা লোকৰ মুঠ সংখ্যা বৃদ্ধি পাই ৫ লাখ ২৫ হাজাৰ ৭০৯জনলৈ বৃদ্ধি পাইছে।
আনহাতে, দেশত কৰ’না আৰোগ্যৰ হাৰ এতিয়া ৯৮.৪৭%। যোৱা ২৪ ঘণ্টাত মুঠ ১৭ হাজাৰ ৭৯০গৰাকী ৰোগী আৰোগ্য হৈছে। বৰ্তমান সময়ত দেশত ১ লাখ ৪৩ হাজাৰ ৪৪৯জন সক্ৰিয় কৰ’না আক্ৰান্ত হৈছে। যোৱা ২৪ ঘণ্টাত সক্ৰিয় ৰোগীৰ সংখ্যা বৃদ্ধি পাইছে ২৬৮৯ জন।
কৰ’না প্ৰতিষেধকৰ ক্ষেত্ৰত ভাৰতে নতুন অভিলেখ স্থাপন হ’বলৈ ওলাইছে। সম্ভাৱনা আছে যে আজি দেশত মুঠ টিকাকৰণৰ সংখ্যা দুই বিলিয়ন ড’জ পৰ্যন্ত হ’ব পাৰে। আনহাতে, ভাৰতে দুই বিলিয়নতকৈ অধিক ড’জ দিয়া বিশ্বৰ দ্বিতীয়খন দেশত পৰিণত হ’ব৷ ভাৰততকৈ অধিক ভেকচিনৰ মাত্ৰা কেৱল চীনতহে প্ৰয়োগ কৰা হৈছে।
Continue Reading
