ডিজিটেল ডেস্কঃ কৰ’না ভাইৰাছৰ স্বৰূপ প্ৰতিদিনে সলনি হৈছে। এই মুহূৰ্তত, সমগ্ৰ বিশ্বৰ বিশেষজ্ঞসকলৰ উদ্বেগ বৃদ্ধি কৰা কৰ’নাৰ প্ৰকাৰটো হৈছে বি.এ.৫। এই প্ৰকাৰটো কেৱল দ্ৰুতগতিত বিয়পি থকাই নহয়, লগতে নতুন লক্ষণো দেখা গৈছে। সাধাৰণ মানুহে কেতিয়াও নাভাবিব যে, কেৱল ঘাম ওলোৱাটো কৰ’নাৰ আটাইতকৈ ডাঙৰ লক্ষণ হ'ব পাৰে। মহামাৰীৰ আৰম্ভণিৰ পৰা, কৰ’না ভাইৰাছৰ কেইবাটাও প্ৰকাৰে ভীতি-সন্ত্ৰস্ত কৰি তুলিছিল দেশৰ নাগৰিকক।
এতিয়ালৈকে সাধাৰণ ৰাইজৰ ওচৰত উপলব্ধ তথ্য অনুসৰি, কৰ’নাৰ মূখ্য লক্ষণবোৰ হৈছে - জ্বৰ, মূৰৰ বিষ, হাতৰ বিষ, পেটৰ সমস্যা, ডায়েৰিয়া ইত্যাদি। কিন্তু, এইবাৰ নিশা ঘাম ওলোৱাটোও কৰ’না ভাইৰাছৰে এক নতুন লক্ষণ হিচাপে এইবাৰ পোহৰলৈ আহিছে। এই তথ্য প্ৰকাশৰ পাছতে উদ্বিগ্ন হৈ পৰিছে দেশৰ নাগৰিক। ইফালে দেশত তীব্ৰ হাৰত বৃদ্ধি পাইছে কৰ’না। দেশৰ সাম্প্ৰতিক পৰিস্থিতিক লৈ চৰকাৰেও জাৰী কৰিছে কেতবোৰ গুৰুত্বপূৰ্ণ নিৰ্দেশনা। পৰৱৰ্তী সময়ত অৱশ্য অতিমাৰী কৰ’নাৰ প্ৰাদূৰ্ভাৱ কিদৰে শাম কাটে সেয়াহে হ’ব লক্ষ্যণীয় হৱ!
ইউকেত কৰো’না সংক্ৰমণ বৃদ্ধি পাইছে। ক’ভিড আক্ৰান্তসকলে দাবী কৰিছে যে এই পৰিস্থিতিত ৰাতি ঘাম ওলোৱা লোকৰ সংখ্যা সৰ্বাধিক। কিছুমান বিশেষজ্ঞই এইবিষয়ে গৱেষণা আৰম্ভ কৰিছে। ইফালে, ট্ৰিনিটি কলেজ ডাবলিনৰ অধ্যাপক লিউক অ'নীলে কৈছিল যে বি.এ.৫-ৰ এটা লক্ষণ হৈছে অত্যাধিক নিশা ঘাম ওলোৱা।
Continue Reading
