--°C
Loading...
Listen to Article
2 min read
80%
ডিজিটেল ডেস্কঃ বলীউডৰ পৰা হলীউডলৈকে সুনাম অৰ্জন কৰা অভিনেত্ৰী প্ৰিয়ংকা চোপ্ৰা প্ৰায়ে বাতৰিৰ শিৰোনামত থাকে। অভিনয়ৰ বলত অভিনেত্ৰীগৰাকীয়ে সমগ্ৰ বিশ্বতে স্বীকৃতি লাভ কৰিছে।

শেহতীয়াকৈ অভিনেত্ৰীগৰাকীয়ে Jio MAMI চলচ্চিত্ৰ মহোৎসৱত অংশগ্ৰহণ কৰিবলৈ মুম্বাইলৈ আহিছিল। তাতে তেওঁ নিজৰ কেৰিয়াৰৰ কথা তথা জীৱনৰ কথা ব্যক্ত কৰিছিল। 

অভিনেত্ৰীগৰাকীয়ে কয় যে তেওঁৰ পিতৃ অশোক চোপ্ৰাৰ মৃত্যুৱে তেওঁক বাস্তৱক উপলব্ধি কৰিবলৈ শিকোৱাৰ লগতে জীৱনৰ কিছুমান গুৰুত্বপূৰ্ণ শিক্ষাও দিছিল।

আগতে প্ৰিয়ংকা নিজৰ কামত বহুত ব্যস্ত আছিল। দেউতাকৰ মৃত্যুত প্ৰিয়ংকাই উপলব্ধি কৰিলে যে তেওঁ কিছু সময়ৰ বাবে বিৰতি লোৱাৰ প্ৰয়োজন আছে।

প্ৰিয়ংকাই কয় যে "আগতে মাৰ কিমান জন্মদিন মিছ কৰিলো হিচাপ নাই। তেওঁক ফোন কৰি শুভেচ্ছা দিয়াৰ কথাও মনত নাই। ইউৰোপত কাম কৰাৰ বাবে মই দীপাৱলীও উদযাপন কৰা নাছিলো। দেউতা জীয়াই থকালৈকে একেলগে দীপাৱলী উদযাপন কৰিয়ে নাপালো। দেউতাৰ মৃত্যু হোৱা আগলৈকে তেওঁৰ লগত দীপাৱলী উদযাপন কৰিবলৈ মোৰ সময় নাছিল। সেই কথা ভাবিলে আফচোচ হয়। দেউতাৰ মৃত্যুৰ পাছতহে কথাবোৰ বুজি পাইছো।" 

প্ৰিয়ংকাই লগতে কয় যে "দেউতা অসুস্থ হোৱাটো মোৰ বাবে এটা ডাঙৰ কথা আছিল। তেতিয়া মই বুজিলোঁ যে জীৱনটো বহুত চুটি আৰু আমি সৰু সৰু কথাবোৰৰ বাবেও বহুত চিন্তা কৰোঁ আনহাতে চিন্তা কৰিবলগীয়া ডাঙৰ কথাবোৰৰ কথাও চিন্তা নকৰো।



অভিনেত্ৰীগৰাকীৰ মতে জীৱনৰ গুৰুত্বপূৰ্ণ বিষয়ৰ প্ৰতি ধ্যান ৰাখিলেই মানুহে নিজৰ মাটিৰ লগত আৰু শিপাৰ লগত সংপৃক্ত হৈ থাকে। 

উল্লেখ্য যে কৰ্কট ৰোগৰ সৈতে দীৰ্ঘদিনীয়া যুঁজৰ অন্তত ২০১৩ চনৰ ১০ জুনত প্ৰিয়ংকাৰ পিতৃৰ মৃত্যু হয়। তেওঁ সেনাবাহিনীত ডাক্তৰ হিচাপে কাম কৰিছিল। প্ৰিয়ংকা দেউতাকৰ অতি ঘনিষ্ঠ আছিল আৰু সেয়েহে তেওঁ ৫ বছৰ ধৰি ডিপ্ৰেছনত পৰিছিল, যিটো কথা অভিনেত্ৰীগৰাকীয়ে তেওঁৰ ‘আনফিনিছড’ গ্ৰন্থত উল্লেখ কৰিছে। প্ৰিয়ংকা চোপ্ৰাৰ পিতৃৰ লগত গভীৰ সম্পৰ্ক আছিল। প্ৰিয়ংকাৰ দেউতাকৰ বাবে উৎসৰ্গিত টেটুও আছে। তাত লিখা আছে, ‘ডেডীজ লিটল গাৰ্ল’।

অভিনেত্ৰীগৰাকীয়ে কৈছিল যে পিতৃৰ মৃত্যুৰ মাত্ৰ ৫ দিনৰ পাছতে তেওঁ নিজৰ ছবি ‘মেৰী কম’ৰ শ্বুটিং আৰম্ভ কৰিছিল। যি কথা তেওঁ আজীৱন মনত ৰাখিব।


FOLLOW US F
POPULAR
FEATURE
TRENDY
ভূটানত পুনাটছাংচু-২ জলবিদ্যুৎ প্ৰকল্প সম্পূৰ্ণ, শক্তি ক্ষমতা ৪০ শতাংশলৈ বৃদ্ধি
ড° ভূপেন হাজৰিকা স্মাৰক ১০০ টকীয়া ৰূপৰ মুদ্ৰাৰ সবিশেষ প্রকাশ
'বনতাৰা'ৰ তদন্তৰ বাবে SIT গঠন উচ্চতম ন্যায়ালয়ৰ
সম্ভাব্য বান পৰিস্থিতিক লৈ পাকিস্তানক পুনৰ কৰিলে সতৰ্ক ; ভাৰতৰ মানৱীয়তাৰ বাবেই প্রাণ বাচিল ২ লক্ষ পাকিস্তানীৰ
অমিত শ্বাহক অসমলৈ আদৰণি জনাইছোঁ কিন্তু আহি কেৱল মিছা প্ৰতিশ্ৰুতি দি গ'লে নহ'ব: লুৰিণজ্যোতি গগৈ
দিল্লীৰ ২০খন মহাবিদ্যালয়ত বোমাৰ ভাবুকি, ভাবুকিপূৰ্ণ ই-মেইলে টোপনি কাঢ়িছে প্ৰশাসনৰ
অসমীয়া ঠিকাদাৰক প্ৰহাৰ মিঞা শ্ৰমিকৰ ; আটক আইনুদ্দিন আলি, মহিম আলি আৰু মুজামিল হক
এক ঐতিহাসিক মাইলৰ খুঁটি ; ৰাজ্য সভাতো গৃহীত হ'ল গুৱাহাটী আই আই এম বিধেয়ক
জৰুৰীকালীন সময়ত কৰা হৈছিল ১.০৭ কোটি লোকক বন্ধ্যাকৰণ
ত্ৰিফলাৰ আছে আশ্বৰ্যকৰী গুণ! ই কেনেকৈ আপোনাৰ স্বাস্থ্য উন্নত কৰিব পাৰে জানো আহক
শিলচৰত মৰ্মান্তিক ঘটনা! পুত্ৰই কৰা অপৰাধ সহ্য কৰিব নোৱাৰি চৰম সিদ্ধান্ত পিতৃৰ
দেৰগাঁৱৰ জাফ্ৰিনা ৰহমানৰ মৃত্যু হত্যা নে আত্মহত্যা? অভিযুক্ত স্বামী আৰক্ষী বাবেই সাৰি যাব নেকি?
ৰাষ্ট্ৰপতি মেক্ৰনৰে প্ৰধানমন্ত্ৰী মোদীৰ বাৰ্তালাপ; ভাৰত-ফ্ৰান্সৰ কৌশলগত সহযোগিতা বৃদ্ধিত গুৰুত্ব
ৰাজ্যত এতিয়াৰ পৰা ১৮ বছৰৰ ওপৰৰ কোনো নাগৰিকে নতুনকৈ নাপাব আধাৰ কাৰ্ড