ডিজিটেল ডেস্কঃ ধনৰ লোভত নিজ দেশমাতৃকো প্ৰতাৰণা কৰিলে এজন যুৱকে। পাকিস্তানৰ চোৰাংচোৱা সংস্থা আই এছ আইক ভাৰতীয় সেনাৰ গোপন তথ্য প্ৰদান কৰা বাবে উত্তৰ প্ৰদেশৰ এজন যুৱকক গ্ৰেপ্তাৰ কৰিছে এণ্টি টেৰৰিষ্ট স্কোৱাডে। চোৰাংচোৱা সূত্ৰৰ মতে, যুৱকজনে বৃহৎ ধনৰ বিনিময়ত ভাৰতীয় সেনাৰ গুৰুত্বপূৰ্ণ তথ্য পাকিস্তানলৈ যোগান কৰিছিল। অভিযুক্ত যুৱকজনৰ নাম মহম্মদ ৰায়ছ। উত্তৰ প্ৰদেশৰ গোণ্ডা জিলাৰ তাৰাবগঞ্জ অঞ্চলৰ বাসিন্দা যুৱকজন।
জেৰাৰ সময়ত অভিযুক্তই চোৰাংচোৱাগিৰি কৰা কথা সত্য বুলি স্বীকাৰ কৰে। আৰক্ষীৰ জেৰাত ৰায়েছে কয় যে তেওঁ কাম বিচাৰি মুম্বাইলৈ গৈছিল। তাতে তেওঁ অৰমান নামৰ এজন যুৱকক লগ পায়।
এই যুৱকজনৰ জৰিয়তে মহম্মদ ৰায়ছে আই এছ আইক সেনাৰ গোপন তথ্য যোগান ধৰিবলৈ আৰম্ভ কৰে। প্ৰতিটো খবৰৰ বাবদত পাকিস্তানী আইএছআইয়ে মহম্মদ ৰায়ছক ১৫ হাজাৰ টকা প্ৰদান কৰিছিল। ধৃত মহম্মদ ৰায়ছক মাৰাথান জেৰাৰ অন্তত গ্ৰেপ্তাৰ কৰে উত্তৰ প্ৰদেশ আৰক্ষীয়ে।
Continue Reading
