ডিজিটেল ডেস্কঃধৰ্ষণকাৰীক হত্যা কৰি ধৰ্ষণৰ প্ৰতিশোধ ল’লে এগৰাকী মহিলাই। মহিলাগৰাকীয়ে ধৰ্ষণৰ প্ৰতিশোধ ল'বলৈ অভিযুক্ত ব্যক্তিজনক হত্যা ককৰাৰ পৰিকল্পনা কৰিছিল। সেই মৰ্মে মহিলাগৰাকীয়ে তেওঁৰ ধৰ্ষণকাৰী যুৱকজনক চুৰিৰে হত্যা কৰে।
আৰক্ষীয়ে ইতিমধ্যে মহিলাগৰাকীক গ্ৰেপ্তাৰ কৰিছে। ঘটনাটো উত্তৰ-পূব দিল্লীৰ শাস্ত্ৰী পাৰ্ক অঞ্চলত সংঘটিত হৈছে। ঘটনাটো সোমবাৰে পোহৰলৈ আহিছে। আৰক্ষীয়ে জনোৱা অনুসৰি ১৬ জুনৰ পুৱা শাস্ত্ৰী পাৰ্কৰ বেলা ফাৰ্মৰ ওচৰত এজন অচিনাক্ত যুৱকৰ মৃতদেহ উদ্ধাৰ হয়। যুৱকজনৰ পেট আৰু ডিঙিত তীক্ষ্ণ অস্ত্ৰৰ আঘাতৰ চিহ্ন আছিল। আৰক্ষীয়ে পিছত যুৱকজনৰ পৰিচয় বিচাৰি উলিয়াইছিল। মৃতব্যক্তিজনৰ নাম আবুজাৰ । তেওঁ ২০ বছৰীয়া যুৱক। ঘটনাটোৰ তদন্ত আৰম্ভ কৰা হৈছে। আৰক্ষীয়ে অঞ্চলটোৰ প্ৰায় ২০ টা চিচিটিভি কেমেৰাৰ ফুটেজ পৰীক্ষা কৰিছিল। ইয়াৰ পিছতে মহিলাগৰাকীক গ্ৰেপ্তাৰ কৰা হৈছিল।
মহিলাগৰাকীৰ স্বামীৰ এই বছৰৰ জানুৱাৰীত অসুস্থতাৰ ফলত মৃত্যু হৈছিল। মহিলাগৰাকীয়ে অভিযোগ কৰিছিল যে তেওঁৰ স্বামীৰ মৃত্যুৰ পিছত আবুজাৰে তেওঁক কেইবাবাৰো ধৰ্ষণ কৰা হৈছিল। আৰক্ষীয়ে কৈছে যে মহিলাগৰাকীয়ে প্ৰতিশোধ স্বৰূপে আবুজাৰক হত্যা কৰাৰ পৰিকল্পনা কৰিছিল।
মহিলাগৰাকীয়ে আবুজাক হত্যা কৰিবলৈ এজন বন্ধুৰ সহায় লৈছিল। আৰক্ষীয়ে এইবুলিও কৈছে যে মহিলাগৰাকীয়ে তেতিয়া যমুনা নদীৰ জোৱাৰৰ ঢৌ চাবলৈ যোৱাৰ অজুহাতত আবুজাক বেলা ফাৰ্মলৈ লৈ গৈছিল।
তাত দুয়োজনে মিলি আবুজাৰক চুৰিৰে হত্যা কৰিছিল আৰু তেওঁৰ শৰীৰটো বেলা ফাৰ্মৰ পিছফালে পেলাই দিছিল। আৰক্ষীয়ে হত্যাত ব্যৱহৃত চুৰিখন উদ্ধাৰ কৰিছে।
Continue Reading
