ডিজিটেল ডেস্কঃ ‘মন কি বাত’ৰ ১০৭ সংখ্যক সময়ত বহিঃৰাষ্ট্ৰৰ বিবাহৰ ধাৰাক লৈ প্ৰশ্ন উত্থাপন কৰে প্ৰধানমন্ত্ৰী মোদীয়ে।মোদীয়ে কয় যে কিছুমান ধনী ভাৰতীয় পৰিয়ালে বিদেশত বিয়াৰ আয়োজন কৰাৰ ধাৰাটোৱে তেওঁক অশান্তি দিছে, আৰু ভাৰতৰ পৰা ধন যাতে ওলাই নাযায় তাৰ বাবে দেশৰ ভিতৰতে এনে বিবাহ অনুষ্ঠান উদ্যাপন অনুষ্ঠিত কৰিবলৈ আহ্বান জনায়।
প্ৰধানমন্ত্ৰীয়ে চলি থকা বিবাহৰ বতৰ সন্দৰ্ভত কয় যে এই বছৰ প্ৰায় ৫ লাখ কোটি টকা ব্যৱসায় হ’ব পাৰে বুলি একাংশ বাণিজ্যিক সংস্থাই অনুমান কৰিছে। লগতে বিয়াৰ বাবে বজাৰ কৰাৰ সময়তো ভাৰতত নিৰ্মিত সামগ্ৰী বাছি ল’বলৈ আহ্বান জনায়।প্ৰধানমন্ত্ৰী মোদীয়ে কয় যে যদি বহিঃৰাষ্ট্ৰত বিয়াৰ ধাৰা বন্ধ হয় তেন্তে ভাৰতৰ ৰাইজে এনে অনুষ্ঠানত সেৱা আগবঢ়োৱাৰ সুযোগ পাব।
তদুপৰি প্ৰধানমন্ত্ৰীয়ে কয় যে “বিদেশত বিয়া পতা পছন্দ কৰা লোকসকলে জানে যে এতিয়া ভাৰতত এই ধৰণৰ “ব্যৱস্থা” নাই৷কিন্তু যদি আমি এনে অনুষ্ঠান আয়োজন কৰো তেন্তে সেই ব্যৱস্থাও গঢ় লৈ উঠিব”।লগতে প্ৰধানমন্ত্ৰী মোদীয়ে আঙুলিয়াই দিয়ে যে যদিহে সামগ্ৰিকভাৱে মানুহে অংশগ্ৰহণ কৰে আৰু ৰাষ্ট্ৰ নিৰ্মাণৰ দায়িত্ব লয়, তেন্তে বিশ্বৰ কোনো শক্তিয়ে সেই দেশখনৰ বিকাশত বাধা দিব নোৱাৰে।
Continue Reading
