ডিজিটেল ডেস্কঃ মহেন্দ্ৰ সিং ধোনিৰ জনপ্ৰিয়তা অসীম। তাৰ উদাহৰণ চেন্নাইত দেখা গ’ল। শেহতীয়াকৈ ধোনীয়ে এগৰাকী অশীতিপৰ অনুৰাগীক লগ কৰে। অনুৰাগীগৰাকীৰ ঘৰলৈ গৈ ফটোও তুলিলে।
হয়তো এই ৮৮ বথৰীয়া অনুৰাগীগৰাকীয়ে চেন্নাই ছুপাৰ কিংছৰ আটাইতকৈ বয়সীয়া সমৰ্থক। সমৰ্থকজনৰ ঘৰলৈ গৈ ধোনীয়ে সাক্ষাৎ কৰে। সেই সমৰ্থকজন হৈছে জনপ্ৰিয় ভাৰতীয় অভিনেত্ৰী খুছবু সুন্দৰৰ শাহুৱেক। খুছবুৱে নিজেই এই ছবিখন টুইটাৰত পোষ্ট কৰি ধোনী ঘৰলৈ অহাৰ খবৰ ঘোষণা কৰে।
তেওঁ লগতে লিখিছে, “হিৰো কেতিয়াও বনাব নোৱাৰি। জন্ম হয়। ধোনিয়ে সেয়া প্ৰমাণ কৰিলে। ধোনিৰ মৰম আৰু আতিথ্যত আমি বাকৰুদ্ধ হৈ পৰিছো। ধোনীক হিৰো বুলি গণ্য কৰা আৰু তেওঁৰ বাহিৰে আন কোনো ক্ৰিকেটাৰক চিনি নোপোৱা মোৰ ৮৮ বছৰীয়া শাহুক তেওঁ লগ কৰে।’’
তাৰপাছতে তেওঁ লিখে- ''মাহী, তোমাৰ দিনবোৰ সুস্বাস্থ্য আৰু সুখেৰে ভৰি পৰক।’’
সোমবাৰে বাংগালুৰুৰ বিৰুদ্ধে খেলিব ধোনিৰ চেন্নাইয়ে। ৰাজস্থানৰ বিৰুদ্ধে অন্তিমখন খেলত ধোণীয়ে ১৭টা বলত ৩২ ৰানৰ দ্ৰুত ইনিংছ খেলিছিল। অৱশ্যে দলটোৱে জয়ী হ’ব নোৱাৰিলে।
Continue Reading
