ডিজিটেল ডেস্কঃ ধঁপাত ব্যৱহাৰৰ ক্ষেত্ৰত ভাৰত বিশ্বৰ ভিতৰতে এখন অগ্ৰণী দেশ। ভাৰতৰ যুৱ প্ৰজন্মৰ বহুতৰে লগতে বৃদ্ধ বয়সৰো বহুতে ধঁপাত ব্যৱহাৰ কৰে। ধোঁৱা বিহীন ধঁপাত ব্যৱহাৰকাৰীৰে ভৰি আছে দেশ। ধোঁৱা বিহীন ধঁপাতৰ ভিতৰত চাধা, গুটখা আদিয়েই প্ৰধান। শেহতীয়াকৈ অক্সফৰ্ড একাডেমিকৰ নিকোটিন এণ্ড টোবাকো ৰিচাৰ্চ জাৰ্নেলত প্ৰকাশিত এক নতুন অধ্যয়ন অনুসৰি, ধোঁৱাবিহীন ধপাত ব্যৱহাৰৰ ক্ষেত্ৰত ভাৰতৰ নীতিৰ কোনো পৰিৱৰ্তন ঘটা নাই।
চৰকাৰৰ নিয়ন্ত্ৰণো এই ক্ষেত্ৰত সঠিকভাবে বলবৎ হোৱা নাই। ফলত ভাৰতে ধোঁৱা বিহীন ধঁপাত সেৱন কৰালোকসকলৰ বাবে প্ৰায় ১৯ বিলিয়ন ডলাৰৰ স্বাস্থ্যসেৱা ব্যয় বহন কৰিব লাগিব।ধোঁৱা বিহীন ধঁপাত সেৱনৰ ফলত হোৱা মুখৰ কৰ্কট ৰোগৰ বাবেই এই বৃহৎ পৰিমাণৰ ব্যয়ৰ বোজা ভাৰতে বহন কৰিব লাগিব।অধ্যয়ন অনুসৰি কম বয়সৰ লোকসকলৰ মাজত বৰ্তমানৰ শিঠিল ব্যৱস্থাটোৰ বাবেই ভৱিষ্যতে ধোঁৱা বিহীন ধঁপাত ব্যৱহাৰকাৰীৰ সংখ্যা বৃদ্ধি পাব। গৱেষকসকলে প্ৰকাশ কৰা মতে ধোঁৱা বিহীন ধঁপাত দক্ষিণ এছিয়াত প্ৰায় ৩০০ নিযুত লোকে ব্যৱহাৰ কৰে।
Continue Reading
