ধৰ্ষণৰ অভিযোগত অভিযুক্ত এজন ধৰ্মগুৰু, বিগত ৪ বছৰে সংঘটিত কৰি আহিছিল এই নিলজ্জ কাণ্ড

ডিজিটেল ডেস্ক : পুনৰ ধৰ্ষণৰ অভিযোগত অভিযুক্ এগৰাকী ধৰ্মগুৰু, প্ৰায় ৪ বছৰ ধৰি ধৰ্ষণ কৰি আহিছিল দুই কিশোৰীক। অভিযোগ ভিত্তিতেই আৰক্ষীয়ে গ্ৰেপ্তাৰ কৰে ধৰ্মগুৰুৰ লগতে আন ৪জন অভিযুক্তক।

পোস্কো আইনৰ অধীনত গ্ৰেপ্তাৰ কৰা হয় লোককেইজনক। বৰ্তমানেও আৰক্ষীৰ জিম্মাত ৰখা হৈছে অভিযুক্তকেইজনক। কৰ্ণাটকৰ অতি প্ৰভাৱশালী হিন্দু লিংগায়ত ধৰ্মীয় শিক্ষানুষ্ঠানৰ জগতগুৰু মুৰুঘাৰাজেন্দ্ৰ বিদ্যাপীঠৰ প্ৰধান ধৰ্মগুৰু শিৱমূৰ্তি মুৰুঘা ছাৰানাৰুসহ পাঁচজনক আৰক্ষীয়ে গ্ৰেপ্তাৰ কৰে।

ঘটনা অনুসৰি হোষ্টেলত থকা ১৫ আৰু ১৬ বছৰীয়া দুই কিশোৰীক বিগত ৪ বছৰ ধৰি ধৰ্ষণ কৰি আহিছিল ধৰ্মগুৰুগৰাকীয়ে। দুই কিশোৰীয়ে ধৰ্মগুৰুৰ লগতে হোষ্টেলৰ ৱাৰ্ডেনসহ অন্য তিনিগৰাকীৰ বিৰুদ্ধেও অভিযোগ উত্থাপন কৰে।

জানিব পৰা মতে দুই নিৰ্যাতিতা কিশোৰী ধৰ্মীয় শিক্ষানুষ্ঠানখনৰে ছাত্ৰী আছিল। তাৰেই সুযোগ লৈছিল ধৰ্মগুৰুজনে। পাছত দুয়ো কিশোৰী তাৰ পৰা কোনোমতে পলায়ন কৰি এটা এন জি অৰ সহায় লয় আৰু সমগ্ৰ ঘটনা পোহৰলৈ আনে।

উল্লেখ্য যে, এইখন মঠতে কিছুদিন পূৰ্বে কংগ্ৰেছ নেতা ৰাহুল গান্ধীয়ে আশিস লৈছিল। কৰ্ণাটকৰো বহু নেতা-পলিনেতাৰ সঘন আহ-যাহ এই মঠলৈ। কৰ্ণাটক ৰাজনীতিত ধৰ্মগুৰুগৰাকীৰ যথেষ্ট প্ৰভাৱ থকা দেখিবলৈ পোৱা যায়।