ডিজিটেল ডেস্ক : মহিলাৰ ওপৰত চলোৱা শাৰীৰিক-মানসিক অত্যাচাৰৰ ঘটনাই পুনৰ দখল কৰিছে সংবাদ শিৰোনাম৷ এইবাৰ স্থান ছত্তীশগড়৷ এগৰাকী ৫৬ বছৰীয়া মহিলাক ধৰ্ষণ কৰি অতি নিৰ্মমভাৱে লোহাৰ ৰডেৰে মৰিয়াই হত্যা কৰা হৈছিল৷ ইমানতে ক্ষান্ত নাথাকি লম্পট, দুৰ্বৃত্তই মহিলাগৰাকীৰ মূৰটো শিলেৰে আঘাত কৰিছিল বুলি আৰক্ষীয়ে জানিবলৈ দিয়ে।
মানসিকভাৱে অক্ষম মহিলাগৰাকীয়ে ধৰ্ষণৰ প্ৰতিৰোধ কৰিছিল৷ বুধবাৰে ইমান বেয়া অৱস্থাত আৰক্ষীয়ে উদ্ধাৰ কৰিছিল যে জাঞ্জগিৰ-চম্পা জিলাৰ আৰক্ষীয়ে তেওঁ পথ দুৰ্ঘটনাত নিহত হৈছে বুলি ধাৰণা কৰিছিল৷ অৱশ্যে মৃতদেহ উদ্ধাৰৰ পাছতে মৰণোত্তৰ পৰীক্ষাৰ প্ৰতিবেদনত এই ভয়াৱহতা প্ৰকাশ পাইছিল।
আৰক্ষী আৰু নিৰাপত্তাৰক্ষী কেমেৰাৰ ফুটেজৰ অনুসন্ধানত তেওঁক ৰাস্তাত কোনোবাই বৰ্বৰভাৱে আক্ৰমণ কৰাৰ দৃশ্য প্ৰতিফলিত হৈছিল৷ পেটত গোৰ মৰাৰ উপৰি লোহাৰ ৰডেৰে চকু, মুখত আক্ৰমণ কৰিছিল।
উল্লেখ্য যে, মহিলাগৰাকীয়ে কেইবছৰমান পূৰ্বে তেওঁৰ মাক-দেউতাকক হেৰুৱাইছিল৷ আৰক্ষীয়ে জনোৱা মতে ঘটনাটোৰ সন্দৰ্ভত এজন ৩১ বছৰীয়া ব্যক্তিক গ্ৰেপ্তাৰ কৰা হৈছে। জ্যেষ্ঠ আৰক্ষী বিষয়া অভিষেক পল্লৱে কয়, 'তদন্তৰ পাছত ৩১ বছৰীয়া কিষাণ যাদৱক গ্ৰেপ্তাৰ কৰা হৈছিল। তেওঁ অপৰাধ স্বীকাৰ কৰিছিল। তেওঁ কৈছিল যেতিয়া ভুক্তভোগীয়ে প্ৰতিৰোধ কৰিছিল, তেওঁ তাইক চুলিৰে ধৰি এক বিচ্ছিন্ন ষড়যন্ত্ৰলৈ টানি নিছিল আৰু তেওঁক ধৰ্ষণ কৰাৰ চেষ্টা কৰিছিল৷'
Continue Reading
