ডিজিটেল ডেস্ক: সৌন্দৰ্যৰ বাবেই প্ৰত্যাখান কৰা হৈছিল এগৰাকী বলীউডৰ নায়িকাক৷ ধুনীয়া হোৱাৰ বাবেই অভিনয়ৰ পৰা বঞ্চিত হৈছিল এগৰাকী অভিনেত্ৰী৷ সৌন্দৰ্যক নায়িকাসকলৰ অন্যতম যোগ্যতা হিচাপে গণ্য কৰা হয়। নায়িকা যিমানেই ধুনীয়া হয় সিমানেই তেওঁৰ অনুৰাগী সংখ্যাও বাঢ়ি যায় আৰু লগতে কামত অগ্ৰাধিকাৰো লাভ কৰে৷ যিটো আপাতত: আপেক্ষিক ধাৰণা৷ কিন্তু বলীউডৰ অভিনেত্ৰী গৌহৰ খানৰ ক্ষেত্ৰত ঘটিছিল ব্যতিক্ৰমী ঘটনা৷ ধুনীয়া হোৱাৰ বাবে তেওঁক অভিনয়ৰ পৰা বঞ্চিত কৰা হৈছিল।
সেই চিনেমাখন আছিল ডেনি বয়েলৰ দ্বাৰা পৰিচালিত বিখ্যাত চিনেমা ‘শ্লামডগ মিলিয়নেয়াৰ’৷ যিখন চিনেমাই ছটাকৈ অস্কাৰ বঁটা লাভ কৰিবলৈ সক্ষম হৈছিল। এই চিনেমাখনক বিশ্ব চিনেমা ইতিহাসৰ অন্যতম শ্ৰেষ্ঠ চিনেমা হিচাপে গণ্য কৰা হয়৷
এই ছবিখনৰে এটা চৰিত্ৰৰ বাবে অডিচন দিছিল বলীউডৰ অভিনেত্ৰী গৌহৰ খানে। পাঁচবাৰ অডিচন দিয়াৰ অন্তত আগবাঢ়ি আহিছিল গৌহৰ খান। কিন্তু শেষত বেছি ধুনীয়া হোৱাৰ বাবে তেওঁক ড্ৰপ কৰা হৈছিল৷ ইফালে উক্ত ঘটনাৰ সন্দৰ্ভত আজিও অন্ত পৰা নাই গৌহাৰৰ আক্ষেপ। অভিনেত্ৰীগৰাকীৰ মতে তেওঁৰ জীৱনৰ এটা বৃহৎ ‘প্ৰজেক্ট’ ধুনীয়া হোৱাৰ বাবে হেৰাই গৈছিল।
অভিনেত্ৰীগৰাকীৰমতে বিখ্যাত চিনেমাখনৰ বাবে তেওঁ পাঁচটা অডিচন পাৰ কৰাৰ পাছত পঞ্চম ৰাউণ্ডত ডেনি বয়েলে তেওঁক এজন উৎকৃষ্ট অভিনেতা বুলি অভিহিত কৰিছিল। আনহাতে সঁচাকৈয়ে তেওঁ ভাৰতত প্ৰশিক্ষণ লৈছেনে বুলিও প্ৰশ্ন কৰিছিল। ইফালে অভিনেত্ৰীগৰাকীৰ সেই সময়ত কোনো বিশেষ অভিজ্ঞতা নাছিল বুলিও গৌহৰে জানিবলৈ দিয়ে। শেষত ডেনি বয়েলে অভিনেত্ৰী গৰাকীৰ চেহেৰাৰ বাবেই চিনেমাখনত ল’ব নোৱাৰিব বুলি তেওঁক অস্বীকাৰ কৰিছিল।
মন কৰিবলগীয়া যে ২০০৬ চনত মুক্তি লাভ কৰা ‘Slumdog Millionaire’ত যদি তেওঁ অভিনয় কৰিব পাৰিলেহেঁতেন তেন্তে সেই বিখ্যাত চিনেমাখনেই হ’লহেঁতেন গৌহাৰ খানৰ প্ৰথমখন চিনেমা।কিন্তু তাৰ পাছৰ বছৰতে অভিনেত্ৰীগৰাকীয়ে ‘ৰকেট সিং’ চিনেমাৰ জৰিয়তে বলীউডত খোজ পেলায়। তাৰ পৰৱৰ্তী সময়ত গৌহাৰ খানে ‘ইছাকজাদে’, ‘বদ্ৰীনাথ কী দুলহানিয়া’ আৰু ‘বেগমজান’ৰ দৰে বহুচৰ্চিত চিনেমাত অভিনয় কৰি দৰ্শকৰ বিপুল সঁহাৰি তথা সমাদৰ লাভ কৰিবলৈ সক্ষম হৈছিল।
Continue Reading
