ডিজিটেল ডেস্ক
ধূম্ৰপান আৰু মাদক দ্ৰব্যৰ ব্যৱহাৰে শৰীৰৰ মেদ বৃদ্ধিৰ লগতে কেন্সাৰ হোৱাৰো সম্ভাৱনা কঢ়িয়াই আনে৷ ২০১৯ চনত কেন্সাৰত আক্ৰান্ত ৪.৪৫ মিলিয়ন লোকৰ ৰোগৰ কাৰণ আছিল ধূম্ৰপান আৰু মাদক দব্যৰ ব্যৱহাৰ৷ এই তথ্য অলপতে প্ৰকাশ পাইছে ল্যানচেট আলোচনীত৷
এই তথ্যই গৱেষক তথা বিভিন্ন আঁচনি নিৰ্মাতা সকলক স্থানীয় তথা গোলকীয় পৰ্যায়ত কেন্সাৰ হ্ৰাস কৰাৰ বাবে পদক্ষেপ লোৱাত সহায় কৰাৰ যথেষ্ট থল আছে৷ এই প্ৰতিবেদনে আনকি ১৩ প্ৰকাৰৰ কেন্সাৰৰ কাৰণ সমূহো ফঁহিয়াই দেখুৱাইছে।
“এই বিশ্লেষণে স্পষ্টকৈ বুজাই দিছে যে কেন্সাৰৰ বোজা স্বাস্থ্যখণ্ডৰ বাবে এক বৃহৎ প্ৰত্যাহ্বান ৷ আৰু ই সমগ্ৰ পৃথিৱীতে যথেষ্ট দ্ৰুত হাৰত বৃদ্ধি পাইছে”- এই মন্তব্য কৰিছে ক্ৰিষ্টোফাৰ মুৰে ৷
এই অধ্যয়নটোত দেখা গৈছে যে প্ৰায় ২.৮৮ মিলিয়ন মৃত্যৰ ভিতৰত পুৰুষৰ হাৰেই বেছি৷ ২.৮৮ মিলিয়নৰ মৃত্যুৰ ভিতৰত ৫০.৬ শতাংশই পুৰুষ৷ আনহাতে এই ক্ষেত্ৰত মহিলাৰ মৃত্যুৰ হাৰ কিছু কম৷ প্ৰায় ৩৬.৩ শতাংশ মহিলাই চিগাৰেট আৰু মাদক দ্ৰব্য সেৱন কৰাৰ বাবে মৃত্যু সাৱতি লয়৷
চিগাৰেট আৰু মাদক দ্ৰব্য সেৱনৰ ফলত কেন্দ্ৰীয় ইউৰোপৰ ১০০,০০০ জনৰ ভিতৰত ৮২ জনৰ ,ইষ্ট এচিয়াৰ ১০০,০০০ ভিতৰত ৬৯.৪ জনৰ মৃত্যু হৈছে আৰু নৰ্থ আমেৰিকাত ১০০,০০০জনৰ ভিতৰত ৬৬.০ জনৰ মৃত্যু হয়৷ আনহাতে লেটিন আমেৰিকাত ১০০,০০০ জনৰ বিপৰীতে ৬৩.৮ জনৰ মৃত্যু হৈছে৷
লগতে গৱেষক সকলে সদৰি কৰিছে যে ৩৪ টা ব্যৱহাৰিক, পাৰিৱেশিক কাৰকে নতুন ২৩ প্ৰকাৰৰ কেন্সাৰৰ সৃষ্টি কৰিছে৷
Continue Reading
