ডিজিটেল ডেস্ক: চিকিৎসা ব্যয় বহন কৰিব নোৱাৰি পুত্ৰই হত্যা কৰিলে মাতৃক৷ হয়, এই নিদাৰুণ ঘটনা সংঘটিত হৈছে এইখন ভাৰতত৷ মূলত: চিকিৎসা সেৱাৰ অচলাৱস্থা আৰু ব্যৱস্থা সুচল নোহোৱাৰ পৰিপ্ৰেক্ষিতত সংঘটিত হ’ল এনে চাঞ্চল্যকৰ হত্যাকাণ্ড!
ঘটনাৰ স্থান ৰাজস্থানৰ ভিলৱাৰা জিলা৷ দেওবাৰে ৰাজস্থানৰ শ্বাহপুৰা আৰক্ষীয়ে সদৰী কৰামতে, ৰাজস্থানৰ ভিলৱাৰা জিলাৰ শ্বাহপুৰা আৰক্ষী থানাৰ অন্তৰ্গত ৰাহাদ গাঁৱত অঞ্চলত এজন ২১ বছৰীয়া যুৱকে তেওঁৰ মাতৃক শ্বাসৰুদ্ধ কৰি হত্যা কৰাৰ অভিযোগ উত্থাপন হৈছে৷
ঘটনাৰ বিৱৰণী অনুসৰি, ৰাহাদ গাঁৱৰ বাসিন্দা ২১ বছৰীয়া ৰুস্তমে বৃহস্পতিবাৰে তেওঁৰ মাতৃ শ্বাহনাজ বানোক (৪০) শ্বাসৰুদ্ধ কৰি হত্যা কৰে৷ এই চাঞ্চল্যকৰ হত্যাকাণ্ড সন্দৰ্ভত মৃত মহিলাগৰাকীৰ ভাতৃৰ হৈ অভিযুক্তজনৰ বিৰুদ্ধে হত্যাৰ গোচৰ ৰুজু কৰা হৈছে। অভিযুক্ত ৰুস্তমক শনিবাৰে ভাৰতীয় দণ্ডবিধিৰ ৩০২ ধাৰাৰ অধীনত গ্ৰেপ্তাৰ কৰা হৈছে৷
প্ৰাথমিক জেৰাৰ সময়ত অভিযুক্ত পুত্ৰই প্ৰকাশ কৰিছিল যে দেউতাকে ১৫-২০ বছৰ ধৰি কোনো কাম কৰা নাছিল আৰু ঘৰতে থাকিব লগা হৈছিল আৰু তেওঁৰ অসুস্থ মাতৃৰ ঔষধৰ বাবে অধিক ব্যয় কৰিব লগা হৈছিল৷ পৰিয়ালটো ক্ৰমে আৰ্থিকভাবে দুৰ্বল হৈ পৰিছিল আৰু চৰম অৰ্থ সংকটত ভুগি দিগবিদিগ হেৰুৱাই ৰুস্তমে এনে ঘটনা সংঘটিত কৰিলে বুলি ধাৰণা কৰা হৈছে৷
আৰক্ষীক অভিযুক্ত পুত্ৰগৰাকীয়ে কৈছিল যে তেওঁৰ মাকক সাপে কামুৰিছিল, সেই বাবেহে তেওঁ প্ৰাণ হেৰুৱাইছিল৷ কিন্তু অভিযুক্তৰ ভাতৃয়ে তেওঁৰ বিৰুদ্ধে গোচৰ ৰুজু কৰিছে।
পুত্ৰই তেওঁৰ মাকক চিকিৎসালয়লৈ লৈ গৈছিল আৰু কৈছিল যে তেওঁৰ মাকক সাপে কামুৰিছিল৷ যদিও চিকিৎসকে আৰক্ষীক কৈছিল যে তেওঁৰ মাতৃৰ শৰীৰত কোনো সৰ্পদংশনৰ চিন দেখা যোৱা নাছিল৷
Continue Reading
