ডিজিটেল ডেস্কঃ "মই আপোনালোকক ডিজেল বাহনৰ উৎপাদন হ্ৰাস কৰিবলৈ অনুৰোধ কৰিছো। যদি আপোনালোকে উৎপাদন হ্ৰাস নকৰে, আমি কৰ বৃদ্ধি কৰিব লাগিব। আমি কৰ ইমানেই বৃদ্ধি কৰিম যে আপোনালোকে ডিজেল বাহন বিক্ৰী কৰাত অসুবিধা পাব", ডিজেল বাহন উৎপাদন কৰা কোম্পানীক এনেদৰেই সকিয়াই দিলে ভাৰতৰ পথ পৰিবহণ দপ্তৰৰ মন্ত্ৰী নীতিন গাডকাৰীয়ে।
এখন সভাত ভাষণ দি গাডকাৰীয়ে কয় যে তেওঁ বিত্ত মন্ত্ৰী নিৰ্মলা সীতাৰমণৰ ওচৰত ডিজেল বাহমৰ ওপৰত কৰ বৃদ্ধিৰ প্ৰস্তাৱ দিব। পৰিবহণ মন্ত্ৰীগৰাকীয়ে ইয়াক "প্ৰদূষণ কৰ" বুলি অভিহিত কৰে আৰু কয় যে দেশত ডিজেল বাহনৰ ব্যৱহাৰ হ্ৰাস কৰাৰ এইটোৱেই একমাত্ৰ উপায়।
ভাৰতৰ পথ পৰিবহণ মন্ত্ৰীগৰাকীয়ে ডিজেল ইঞ্জিন বাহনৰ ওপৰত অতিৰিক্ত ১০ শতাংশ জিএছটি আৰোপ কৰাৰ বাবে বিত্ত মন্ত্ৰালয়ৰ ওচৰত এটা প্ৰস্তাৱ দাখিল কৰাৰ পৰিকল্পনা কৰিছে।জলবায়ু-অনুকূল বাহন বৃদ্ধি কৰাৰ লক্ষ্যৰে এনে পদক্ষেপ গ্ৰহণ কৰাৰ পোষকতা কৰা হৈছে।
উল্লেখ্য পৰিবেশ প্ৰদূষণৰ ক্ষেত্ৰত ডিজেল বাহনসমূহ বিশেষভাবে জগৰীয়া। ডিজেল বাহনে এৰি দিয়া ধোঁৱাই বায়ুমণ্ডল প্ৰদূষিত কৰি তোলে। সেয়ে ভাৰতৰ বহু চহৰকে ধৰি ধৰি বিশ্বৰ বহু ঠাইত ডিজেল বাহনৰ সলনি চিএনজি অথবা গেছ চালিত বাহনৰ ব্যৱহাৰত অধিক গুৰুত্ব দিয়া হৈছে।
Continue Reading
