ডিজিটেল ডেস্কঃ দেশৰ ৰাজধানী চহৰ নতুন দিল্লীত পুনৰ মুখ থেকেচা খালে বিজেপিয়ে৷ দিল্লী পৌৰ নিগমৰ মেয়ৰ পদত আম আদমী পাৰ্টিৰ শেলী অবেৰয় বুধবাৰে বিনা প্ৰতিদ্বন্দিতাৰে বিজয়ী হৈছে৷ দিল্লীৰ মেয়ৰ পদৰ বাবে বিজেপিৰ শিখা ৰায়ে তেওঁৰ মনোনয়ন প্ৰত্যাহাৰ কৰাৰ পিছতে এবেৰয়ক বিজয়ী ঘোষণা কৰা হয়।
ফলত অবেৰয়ে দিল্লীৰ মেয়ৰ হিচাপে আন এটা কাৰ্যকাল লাভ কৰে। বৰ্তমানৰ ডেপুটি মেয়ৰ আলি মহম্মদ ইকবালেও আন এটা কাৰ্যকালৰ বাবে নিৰ্বাচিত হৈছে৷এই পদত বিজেপিৰ প্ৰাৰ্থী চনি পালে মনোনয়নপত্ৰ দাখিল কৰিছিল যদিও পিছত সেয়া প্ৰত্যাহাৰ কৰে৷
উল্লেখ্য এইবেলি দিল্লী পৌৰ নিগমৰ মেয়ৰ নিৰ্বাচনত বৰ্তমানৰ মেয়ৰ অবেৰয় আৰু বিজেপি পাৰ্থী শিখা ৰায়ৰ মাজত পোনপটীয়া প্ৰতিদ্বন্দিতা হ'ব বুলি ধাৰণা কৰা হৈছিল। কিন্তু সেই সকলো ধাৰণাৰ অন্ত পেলাই বিজেপি প্ৰাৰ্থীগৰাকীয়ে মনোনয়ন প্ৰত্যাহাৰ কৰে৷ উল্লেখ্য ইয়াৰ পূৰ্বে অবেৰয় প্ৰথমবাৰৰ বাবে দিল্লীৰ মেয়ৰ নিৰ্বাচিত হৈছিল। তেওঁ বিজেপিৰ ৰেখা গুপ্তাক ৩৪ টা ভোটৰ ব্যৱধানত পৰাজিত কৰিছিল। গুপ্তাই মুঠ ২৬৬ টা ভোটৰ ভিতৰত ১১৬ টা ভোট লাভ কৰিছিল ৷ অবেৰয়ে লাভ কৰিছিল ১৫০ টা ভোট৷
Continue Reading
