খেলুৱৈক যৌন নিৰ্যাতন : কিয় এজাহাৰৰ গ্ৰহণ কৰা নাই দিল্লী আৰক্ষীয়ে? জনালে উচ্চতম ন্যায়ালয়ক

দিল্লী আৰক্ষীৰ হৈ হাজিৰ হোৱা ছলিচিটৰ জেনেৰেল তুষাৰ মেহতাই মুখ্য ন্যায়াধীশ ডি ৱাই চন্দ্ৰচূড় আৰু ন্যায়াধীশ পি এছ নৰসিংহক লৈ গঠিত বিচাৰপীঠক কয় যে যদি শীৰ্ষ আদালতে অনুভৱ কৰে যে এখন এজাহাৰ দাখিল কৰিব লাগে  তেন্তে সেয়া কৰা হ'ব পাৰে। মেহতাই  কয়, "আমি প্ৰাথমিক ভাৱে অনুভৱ কৰোঁ যে এজাহাৰ পঞ্জীয়নৰ আগতে প্ৰাথমিক তদন্ত কৰাৰ প্ৰয়োজন আছে।" মেহতাই কয়  যে আদালতে বিচৰা স্বত্বেও এজাহাৰপঞ্জীয়ন কৰা হোৱা নাই জাতীয় ধাৰণা  আমি  সৃষ্টি নকৰোঁ। শীৰ্ষ আদালতে মঙলবাৰে দিল্লী আৰক্ষী আৰু আনসকলক যৌন নিৰ্যাতনৰ অভিযোগত ডব্লিউএফআই ৰ সভাপতিৰ বিৰুদ্ধে এজাহাৰ পঞ্জীয়ন বিচাৰি জাননী জাৰি কৰি কৈছিল যে বিষয়টো "গুৰুতৰ" আৰু এয়া  বিবেচনা কৰাটো  প্ৰয়োজন সাতগৰাকী মহিলা মল্লযোদ্ধাই উচ্চতম ন্যায়ালয়ত  আবেদনৰ জনাইছিল। মল্লযোদ্ধাসকলে ডব্লিউএফআইৰ বিৰুদ্ধে তেওঁলোকৰ অভিযোগ ৰাজহুৱা কৰাৰ পিছত  কেন্দ্ৰীয় ক্ৰীড়া মন্ত্ৰী অনুৰাগ ঠাকুৰে দাবীসমূহৰ তদন্তৰ বাবে  এম চি মেৰী কমৰ নেতৃত্বত এখন পৰ্যৱেক্ষণ সমিতি গঠন কৰাৰ কথা ঘোষণা কৰিছিল। 

শেহতীয়াকৈ কেইবাজনো ৰাষ্ট্ৰীয় বঁটা বিজয়ী মল্লযোদ্ধাই  নতুন দিল্লীৰ যন্তৰ মন্তৰত প্ৰতিবাদ কৰি আছে৷ বিভিন্ন আন্তঃৰাষ্ট্ৰীয় ইভেণ্টত দেশৰ হৈ পদক অৰ্জন কৰা শীৰ্ষ মল্লযোদ্ধাসকলে কয় যে সিঙে মহিলা খেলুৱৈসকলক যৌন নিৰ্যাতন কৰা বুলি তেওঁলোকে কৰা  অভিযোগৰ কোনো গুৰুত্ব দিয়া হোৱা নাই৷ এই বিষয়ত  সঠিক তদন্ত হ’ব লাগিব৷  মল্লযোদ্ধা বজৰং পুনিয়াই দাবী কৰিছে যে ভুক্তভোগীসকলক উৎকোচ দিয়াৰ চেষ্টা কৰা হৈছে৷ 

প্ৰখ্যাত মল্লযোদ্ধাগৰাকীয়ে  দৃঢ়তাৰে কয়  যে যদি ডব্লিউএফআই প্ৰধানৰ ব্ৰজ ভূষণ সিঙৰ বিৰুদ্ধে তেওঁলোকৰ অভিযোগ ভুল প্ৰমাণিত হয় তেন্তে মল্লযোদ্ধাসকলে শাস্তিৰ সন্মুখীন হ'বলৈ সাজু আছে। তেওঁ কয় '' যেতিয়া আমি ন্যায় পাম তেতিয়াহে  আমি ইয়াৰ পৰা যাম। যদি আমাৰ দোষ আছে আমি শাস্তিৰ সন্মুখীন হ'বলৈ সাজু আছো। আমি আশা কৰোঁ যে উচ্চতম ন্যায়ালয়ে আমাক  ন্যায় প্ৰদান কৰিব আৰু আমি আইনী  নিৰ্দেশনা অনুসৰি আগবাঢ়িব পাৰিম"৷